Çfarë do të gjeni në brendësi
*Një ngjarje e rëndë ka ndodhur mbrëmjen e djeshme në zonën Fontanafredda ku 43 vjeçari shqiptar Vladimir Topjana është vrarë me armë zjarri nga bashkëatdhetari i tij 30 vjeçar nga Fushë Kruja. *Ngjarja e rëndë ndodhi pas një konflikti mes dy shqiptarëve në parkingun e një lokali ku transmetohej ndeshja Roma-Juventus. Viktima ndodhej nën shoqërinë e djalit të tij 17 vjeçar në momentin e krimit të rëndë. *Autori tentoi të largohej nga vendngjarja me makinën tip “Audi”, por u arrestua pak orë më vonë dhe bashkë me të u ndalua edhe i ati. *Nuk dihen ende rrethanat e konfliktit, ndërsa Topjana rezultonte i përfshirë edhe në një sherr të ndodhur në 2018-ën me familjen Gega në Fushë Arrëz.
FOTO/ Ekzekutimi i Vladimir Topjanës në sy të të birit, zbulohet identiteti i autorit të krimit, miq me familjarët e viktimës
Detaje të reja dalin nga ekzekutimi me plumb në kokë i 43-vjeçarit Vladimir Topjana, krim i ndodhur rreth orës 21:30 të mbrëmjes së të dielës (6 Prill) në Fontanafredda pas një sherri mes tij dhe dy bashkatdhetarëve (baba e bir).
Raportohet se viktima ndodhej në lokal së bashku me djalin e tij, kur në vendngjarje ka mbërritur një Audi i bardhë, ku ndodheshin Roger Shota, 34-vjeçar dhe i ati, 66-vjeçari Pren Shota.
Sipas mediave italiane, Roger Shota qëlloi me armë zjarri Vladimir Topjanën, shofer i kompanisë Porcia dhe banues në Cordenons, dhe u largua nga vendngjarja me Audi-n të cilët ishin miqtë me familjarët e viktimës.
Kërkimet nisën menjëherë në të gjithë zonën e Pordenones dhe arratisja e tij përfundoi rreth mesnatës në zonën e Orsago nga Karabinierët.
Autori i dyshuar Roger Shota, 34-vjeçari shqiptar me banim në Sacile, akuzohet për vrasje të rëndë me paramendim.
U vr* me armë zjarri para djalit të tij, del FOTO e shqiptarit në Itali! Në 2018-ën pati sherr në Fushë Arrëz
Versus.al ka siguruar foton e Vladimir Topjanës, 43 vjeçarit që mbeti i vrarë me armë zjarri mbrëmjen e djeshme pas një konflikti me një bashkëatdhetar në Itali.
I pranishëm në momentin e krimit, ishte edhe djali 17 vjeçar i Topjanës. Ndërsa së bashku me autorin nga Fushë Kruja, policia italiane ndaloi edhe babain e tij.
Viktima, i cili punonte si shofer furgoni, në 2018-ën rezulton i përfshirë në një sherr mes dy familjeve në Fushë Arrëz. Asokohe, u raportua se Vladimir Topjana kishte përplasur me makinë Artan Gegën teksa ky i fundit drejtonte mjetin tip “Golf” ku ndodhej së bashku me babain dhe xhaxhain e tij.
Shkak i sherrit të ndodhur, dyshohet se të jetë bërë një konflikt mes Topjanës dhe Gegës në 2017-ën. Policia mori në mbrojtje familjen Gega, ndërsa fatmirësisht konflikti nuk u rëndua më tej. Versus.al
Shkoi për të parë ndeshjen në lokal, shqiptari vritet me 3 plumba në kokë! Djali i tij pa gjithçka
Itali- Vladimir Topjana është vrarë me armë zjarri mbrëmjen e djeshme në zonën Fontanafredda pas një sherri me një shqiptar tjetër.
43 vjeçari është qëlluar tre herë me armë zjarri duke i shkaktuar vdekjen në vend. Të pranishmit kishin tentuar të ndërhynin, por nuk ia kishin arritur.
Bëhet me dije se autori i vrasjes, një 30 vjeçar nga Fushë Kruja, është arratisur nga vendngjarja me një automjet tip “Audi” të bardhë, por u arrestua vetëm pak orë pasi kreu vrasjen.
Topjana punonte si shofer dhe kishte dalë për të parë ndeshjen mes Romës dhe Juventusit. Ai ndodhej nën shoqërinë e djalit të tij 17 vjeçar i cili pa gjithë ngjarjen e rëndë. Versus.al
