Boksierja me prejardhje nga Kameruni, Cindy Ngamba kaloi në gjysmëfinale të kategorisë deri në 75 kilogramë, duke siguruar medaljen e parë për ekipin e refugjatëve në historinë e Lojërave Olimpike.
Në çerekfinale Ngamba mposhti me pikë francezen Davina Michel me vendim unanim të gjyqtarëve, duke kaluar në gjysmëfinale. Me këtë ajo siguroi medaljen e bronztë, e para për ekipin e refugjatëve.
Në moshën 11-vjeçare, Ngamba u zhvendos nga Kameruni në Mbretërinë e Bashkuar, në kërkim të një jete më të mirë dhe zbuloi boksin rastësisht në një klub lokal në Bolton.
"Kjo do të thotë bota për mua, të jem refugjatja e parë që fiton një medalje. Unë jam thjesht një njeri, ashtu si çdo refugjat, atlet në mbarë botën. Por shpresoj se mund ta ndryshoj medaljen në luftën time të radhës.
Sot po luftoja me një kundërshtar shumë të fortë. Shumë njerëz nuk brohorisnin për mua. Por kam dëgjuar ekipin tim, kam dëgjuar trajnerët e mi dhe kam dëgjuar veten time. I qëndrova taktikave dhe qëndrova e qetë. Jam i lumtur që fitova." është shprehur Ngamba pas fitores së medaljes.
