Imazhe mahnitëse kapën kalimin e jahtit superluksoz të ish-drejtorit ekzekutiv të Starbucks, Howard Schultz, përmes kanalit të ngushtë të fshatit holandez Woubrugge. Varka gjigante 100 metra e gjatë kaloi kanalin, duke tërhequr vëmendjen e banorëve.
Jahti "Pi", me vlerë 107 milionë paund, i përket biznesmenit dhe miliarderit amerikan Howard Schultz, i cili shërbeu si CEO i Starbucks në tre periudha të ndryshme (1986–2000, 2008–2017 dhe 2022–2023). Pasuria e tij personale vlerësohet në 3.2 miliardë dollarë dollarë.
Sipas Daily Express, varka binte në sy nga larg, mbi shtëpitë dhe dyqanet e fshatit, ndërsa shoqërohej nga dy mjete ndihmëse që e drejtonin nga turi dhe nga prapa.
Jahti Pi nuk është një varkë e zakonshme. Në vitin 2019, ajo fitoi dy çmime në Çmimet Botërore të Superjahteve: "Jahti Motorik i Vitit" dhe "Jahti Motorik më i Mirë me Zhvendosje Midis 1,500GT dhe 1,999GT", me gjyqtarët që vlerësuan dizajnin e saj të jashtëzakonshëm dhe planimetrinë e brendshme mbresëlënëse.
Jahti përmban një shkallë që lidh kuvertat, zona luksoze pritjeje me divane për tetë persona dhe mundësinë për të akomoduar deri në 12 mysafirë në gjashtë kabina. Përveç kësaj, mund të akomodojë 18 anëtarë të ekuipazhit.
