Pas akuzave të forta në drejtim të tij nga ana e atletes Luiza Gega, ka reaguar presidenti i Federatës Izmir Smajlaj i cili foli për përplasjet mes tyre dhe për kampionatin evropian ekipor të atletikës.
-
Luiza Gega, akuza të forta presidentit Smajlaj: Nuk shkoj në Evropian!
22 Qershor, 21:13
Gega e akuzoi se po e kthente federatën mbrapa duke i dërguar për udhëtim me autobus, ndërsa Smajlaj u shpreh në Report Tv se pjesa elitare e atletikës do të nisej me avion drejt Sllovenisë, por theksoi se Luiza as nuk u paraqit në aeroport.
“Luiza Gega bëri gjithë ato kritika, për rikthimin 20 vite mbrapa me autobus. Është një interpretim që nuk paraqitet realitetin e plotë të përpjekejeve tona. Pjesmarrja në ligën e 3 evropiane kërkon një planifikim shumë të kujdsshëm, veçanërisht, kur bëhet fjalë për një delegacion të madh. Ne e kemi te detyrueshëm me ligj të dalim në agjensim të prokurim publik, asnjë nga 7 agjensitë nuk i plotësoi kriteret e duhura. Për rrjedhojë menduam që pjesën elitare të atletikës ta nisim me avion, ku ishte edhe Luiza gega. Megjithatë ajo nuk u paraqit në aeroport fare,”-u shpreh fillimisht kreu i FSHA.
Më tej ai theksoi se nuk mundet që inatet personale të vendosen mbi rëndësinë e peshës që ka fanella e ekipit.
“Pesha e fanelës së kombëtares është shumë më e rëndësishme se çdo inat personal apo pakënaqësi sepse kur veshim fanelën e Shqipërisë përfaqësojmë miliona shqiptarë, që janë një burim frymëzimi dhe krenarie. Çdo përgjegjësi kolektive duhet të jetë gjithmonë mbi interesin personal,”-tha Smajlaj. Versus.al
