Melania Trump u detyrua të ndërhynte dhe të ndihmonte Donald Trump në një moment të sikletshëm në funeralin e Papa Françeskut, pasi presidenti amerikan për pak sa nuk kreu një gabim diplomatik.
Më shumë se 250,000 njerëz u mblodhën në sheshin e Shën Pjetrit për t'i bërë homazhe papës që vdiq nga një goditje në tru, në moshën 88 vjeç, të hënën e Pashkëve. Midis tyre ishin personalitete të huaja, udhëheqës botërorë dhe monarkë, ndërsa përfaqësues nga 170 vende dhe organizata ndërkombëtare thuhet se morën pjesë në mbledhjen e nivelit të lartë në Vatikan.
Delegacioni amerikan drejtohej nga presidenti Trump dhe bashkëshortja e tij Melania, ditëlindja e 55-të e së cilës përkoi me funeralin e Papës.
Në një moment gjatë shërbimit tre-orësh katolik, kongregacionit iu kërkua «t'i ofronin njëri-tjetrit një shenjë paqeje» duke shkëmbyer shtrëngime duarsh.
Video nga kortezhi i varrimit tregoi Trump duke parë procedurat rreth tij pa marrë pjesë në ritualin e "shenjës së paqes", përpara se Melania të ndërhynte.
Nicola Hicklin, një eksperte e leximit të buzëve, tha për Daily Mail se Melania e këshilloi burrin e saj të shtrëngonte duart përpara se Trump t'i jepte me ngurrim dorën presidentit francez Emmanuel Macron.
“Duhet ta bësh”, i pëshpëriti Melania në vesh Trump.
“Mirë”, u përgjigj presidenti amerikan.
Ai më pas zgjati dorën për të përshëndetur presidentin estonez Alar Karis dhe mbretin e Spanjës Felipe dhe Mbretëreshën Letizia, përpara se të kthente vëmendjen te Macron.
Më në fund të dy shkëmbyen një shtrëngim duarsh të zgjatur me nxitjen e Melanias, duke shmangur kështu një tjetër gabim pas gafës me kostumin blu.
Presidenti amerikan ka veshur blu, në kundërshtim me protokollin që kërkon kostum të zi dhe kravatë për zotërinj.
