Shkalla juaj bazale metabolike fillon të ngadalësohet pas moshës 40 vjeç, nivelet e estrogjenit bien dhe elasticiteti i enëve të gjakut zvogëlohet.
Të gjitha këto gjëra e bëjnë më të vështirë humbjen e peshës dhe rrisin rrezikun e sëmundjeve të ndryshme.
Por duke bërë ndryshime të vogla në dietën tuaj të përditshme, mund ta mbani trupin tuaj të shëndetshëm dhe plot energji.
Avokado
Ky frut me shijen e tij karakteristike neutrale të gjalpit i përket kategorisë së superushqimeve pasi përmban një mori lëndësh ushqyese që nxisin shëndet të mirë. 100 gramë avokado ofron 160 kalori, 9 gramë karbohidrate, 7 gramë fibra, 2 gramë proteina dhe 15 gramë acide yndyrore të pangopura. Kontribuon në funksionimin e mirë të sistemit tretës, në uljen e presionit të gjakut, në uljen e kolesterolit total, ndërsa rrit ndjesinë e ngopjes, duke kufizuar kështu nevojën për të ngrënë për disa orë më pas.
Fasule
Fasulet janë një ushqim veçanërisht ushqyes dhe kjo reflektohet në faktin se ato janë në bazën e piramidës mesdhetare, domethënë, janë ndër ushqimet që duhet të konsumohen shpesh. Ato janë një burim i rëndësishëm proteinash, vitaminash, fibrash dietike. Për më tepër, ato janë të pasura me antioksidantë, minerale si kalciumi, hekuri, kaliumi etj., si dhe acide yndyrore të pangopura të lira. Ato kanë një përmbajtje shumë të ulët natriumi dhe pothuajse aspak kolesterol.
Quinoa
Drithërat e plota, siç është quinoa, ofrojnë vitamina, minerale dhe fibra thelbësore, të cilat ndihmojnë në rregullimin e sistemit tretës dhe ofrojnë një ndjesi ngopjeje për një periudhë më të gjatë kohore gjatë ditës. Ka më shumë proteina se drithërat e tjerë dhe është një proteinë e plotë, që do të thotë se përmban të nëntë aminoacidet thelbësore që i nevojiten trupit. Nuk përmban gluten.
