Deputeti demokrat Ervin Salianji në konferencën me gazetarët u shpreh se që prej ditës së djeshme ka kontaktuar me institucionet e drejtësisë për t’u interesuar si do procedohet në vazhdim pas vendimit të gjykatës.
Në përgjigjen e dhënë ai ironizoi edhe prokurorinë duke thënë se duhej ta ndihmonte për shkak se kriminelët e drogës nuk i kapin dot.
Pyetje: A do prisni t’ju arrestojnë këtu apo do shkoni vetë?
Salianji: Kam komunikuar që dje me drejtuesit e policisë apo prokurorisë për t’i ndihmuar sepse këta nuk të gjejnë dot. I keni parë del fleta e arrestit dhe nuk kapin dot ata që kërkojnë. Unë nuk hyj tek ata, dal dhe përballem.
Së pari, procedura është që prevalon e drejta e ankimimit dhe më pas të bëhet arrestimi. Pa pasur një vendim të gjykatës së Apelit që të mund të bëhet ankimimi, me shpejtësi u hodh shorti e doli edhe prokurorja tjetër nga Vlora përveçse militante PS-je. E ka cuar në Kuvend për miratim ndërkohë që është precedenti i parë që ndodh.
Po të ishte rasti i PS, do e kishin çuar në komisionin e Venecias për interpretim. Kjo bëhet për të penguar aktivizimin tim në fushatën zgjedhore të 2025-ës, si njeri që i kam mundur dhe si funksionar i PD. Versus.al
