Nga Elbasani, kreu i Partisë Demokratike, Sali Berisha, lëshoi paralajmërime të ashpra ndaj grupeve kriminale që, sipas tij, tentojnë të frikësojnë qytetarët për vota.
Ai tha se me ardhjen e PD në pushtet, këto banda do të trajtohen si organizata terroriste dhe do të goditen me “përgjigjen më të egër ligjore”.
Berisha akuzoi direkt ish-drejtuesin politik të PS në qarkun e Elbasanit, Taulant Balla, duke e cilësuar si person të lidhur me krimin, që “porosit vrasje dhe ndalon njerëz të pafajshëm”.
“Monstrat që e kthejnë krimin në votë dhe votën në vrasje, do të përballen me ligjin si terroristë. Këta janë llumi i kriminalitetit njerëzor, vijnë këtu dhe marrin Taulant Ballën, një horr më falini për shprehjen, që porosit vrasje, bën arrestime, bazon gjithçka me fibrën e qytetarëve fisnikë të këtij populli. Kjo është vrasje me Edi Ramën, Suel Çelen, Altin Hajrin e të tjerë.” tha ai, duke i bërë thirrje qytetarëve të të marrin pjesë masivisht në zgjedhjet e 11 majit. /Versus.al/
