Një ditë pas takimeve të ish-deputetit, Ervin Salianji dhe Ilir Alimehmetit me strukturat e demokratëve në Durrës, Partia Demokratike është vënë në lëvizje.
Sekretari i Përgjithshëm Flamur Noka ka firmosur një udhëzim që u është dërguar degëve lokale në të gjithë Shqipërinë.
Përmes këtij udhëzimi kërkohet të bëhet një analizë e brendshme për humbjen e zgjedhjeve të 11 majit.
Ervin Salianji kërkoi një reagim nga demokratët, dhe përgjigje për situatën aktuale në të cilën ndodhet sot Partia Demokratike, me tone kritike ndaj Sali Berishës u shpreh se ishin treguar “të paaftë’ për të marr rezultat pozitiv në zgjedhje.
Berisha iu përgjigj Salianjit duke thënë se takimi me strukturat e Durrësit ishte personal, dhe se nuk mund të kritikonte PD-në se nuk dëgjonte zërin e anëtarëve të saj./Versus.al
