Një sondazh i kryer nga McLauglin në bashkëpunim me Top Channel, ka treguar tendencat aktuale të qytetarëve me të drejtë vote në Shqipëri nëse zgjedhjet do të mbaheshin sot.
Kompania që ka kryer sondazhin ku kanë marrë pjesë 1200 shqiptarë, është e njëjta që parashikoi rezultatin e fitores së Donald Trump në SHBA. Sipas sondazhit, nëse zgjedhjet do të mbaheshin sot, PS do të fitonte me 49.2% të votave, e ndjekur nga PD me 35.7% të votave.
E treta renditet partia “Shqipëria Bëhet” me 6.8% të votave, ndërsa forcat e tjera politike vijojnë si më poshtë:
• Mundësia – 1.6%
• PSD – 1.2%
• Lëvizja Bashkë – 0.9%
• Koalicioni Euroatlantik – 0.7%
• Nisma Thurje – 0.2%
• Parti të tjera – 0.3%
• Të pavendosur/refuzoj të përgjigjem – 3.4%.
Ndërsa sa i takon liderit më të pëlqyer, Rama rezulton më i votuari me rreth shumicën e votave krahasuar me të tjerët, por një pjesë e konsiderueshme e të anketuarve, kanë shprehur papëlqyeshmëri për të. Versus.al
