Dënimi me 1 vit burg i deputetit Ervin Salianji ka shkundur skenën politike në vend dhe në orët e fundit ka pasur zhvillime të shumta. Pas kërkesës së bërë nga grupi parlamentar i PD ndaj kryeparlamentares Elisa Spiropali të cilës i bëjnë thirrje për mbledhje urgjente të Këshillit të Mandateve, juristët e Partisë Demokratike po përgatisin një padi për ta dorëzuar në SPAK për deputetin socialist Fatmir Xhafa.
Mësohet se padia ka si kërkesë objekt hetimin pasuror të Xhafajt, nën akuzën se u ka dhënë prona shtetërore ndërtues si dhe për shpërdorimin e detyrës duke penguar zbardhjen e së vërtetës. Xhafaj u dorëhoq nga posti i ministrit të Brendshëm pas publikimit të audio-përgjimit ku dyshohet se shfaqej vëllai i tij Geron Xhafa i cili ishte i shpallur në kërkim nga autoritetet italiane për drogë. Asokohe Rama akuzoi Salianjin për kallëzim të rremë me pretendimin se bëhej fjalë për një plan dhe përgjim të rremë. Versus.al
