Kryeministri Edi Rama do të marrë pjesë në samitin vjetor të OKB-së që mbahet nesër në Nju Jork të SHBA-ve. Pritet që agjenda kryesore e takimit të jenë diskutimet rreth konflikteve aktuale në vende të ndryshme të botës, si lufta në Gaza, lufta në Ukrainë dhe ajo civile në Sudan.
Po ashtu, do të mbahet edhe një samit për të ardhmen ku diskutohet rreth reformimit të sistemit të Kombeve të Bashkuara për trajtimin e sfidave të reja duke përfshirë ndryshimet klimatike dhe Inteligjencën Artificiale.
Pritet që Rama të marrë pjesë edhe në një takim të organizuar nga shefi i diplomacisë së BE-së, Josep Borrell ku të pranishëm do jenë edhe liderë të tjerë të rajonit të Ballkanit. Ndërsa më pas do të takohet me presidenten e Parlamentit Europian, Roberta Metsola për t’u kthyer në Shqipëri më datë 28 shtator. Versus.al
