Kryeministri Edi Rama ndodhet për një vizitë zyrtare në Japoni. Nga pamjet, duket se Rama është mirëpritur në Tokio, ndërsa kryeqyteti japonez është mbuluar me simbolet kuqezi në rrugët kryesore të qytetit duke krijuar një atmosferë të veçantë protokollare që shoqëron takimet e nivelit të lartë.
Kjo vizitë zhvillohet në kuadër të forcimit të marrëdhënieve dypalëshe mes Shqipërisë dhe Japonisë, si dhe zgjerimit të bashkëpunimit ekonomik, kulturor dhe diplomatik mes dy vendeve.
Dekorimi i Tokios me flamuj shqiptarë dhe japonezë simbolizon respektin protokollar dhe rëndësinë që i jepet marrëdhënieve mes dy shteteve, ndërsa vizita përfshin takime zyrtare me autoritetet më të larta të Japonisë dhe aktivitete të rëndësishme institucionale e ekonomike.
