Dënimi dhe burgosja e deputetit Ervin Salianji i cili u dorëzua të premten në burgun e Fierit, duket se ka “zgjuar” Partinë Demokratike sa i takon aksionit opozitar të paralajmëruar kohë më parë.
Ndërkohë që më 6 tetor do të mbahet një protestë kombëtare me qëllim rrëzimin e kryeministrit Edi Rama nga pushteti, sot në orën 18:00 do të ketë një mbledhje të Këshillit Kombëtar të Partisë Demokratike për të përcaktuar hapat e tjera që do të ndjekë opozita në kuadër të mosbindjes civile të paralajmëruar.
Nga ana tjetër, Ervin Salianji që prej ditës së djeshme ka nisur vuajtjen e dënimit në burgun e Fierit, por në rrjetet e tij sociale, postimet nuk ndalen me falenderime dhe thirrje për mbështetësit e tij.
-
24 orë në burg, reagon Salianji: "Falenderime nga zemra!"
28 Shtator, 21:56 -
Vetë kryedemokrati Sali Berisha ka konfirmuar se Ervin Salianji do të vijojë të jetë drejtues politik për qarkun e Elbasanit në kuadër të zgjedhjeve të ardhshme parlamentare. Ndërsa mandati i deputetit, pritet t’i jepet Andra Manos në Korçë sapo në parlament të konfirmohet vakanca e Salianjit. Për dënimin që e konsideron politik, PD u ka nisur letër kancelarive më të mëdha perëndimore duke informuar për situatën politik në vend. Versus.al
