Kryeministri Edi Rama ka ndarë në rrjetet sociale një video të filmuar në zyrën e tij në Kryeministri, ku gjendet së bashku me Sekretarin e Përgjithshëm, Ëngjëll Agaçi.
Ëngjëll Agaçi ka qenë në fokusin e medias gjatë ditëve të fundit pasi lideri i Partisë Demokratike, Sali Berisha, e ka akuzuar se ka ikur jashtë vendit me urdhër të Ramës për të shmangur drejtësinë.
''Ky është Sekretari i Përgjithshëm i Kryeministrisë, Engjëll Agaçi, të cilin Bufi i Kënetës e shpalli arratiak në kërkim nga drejtësia dhe e gjithë aradheja kënetore kanal më kanal e portal më portal, ia telendisi familjen e të afërmit, duke batërdisur publikun me kua-kua-kuara të ububushme, teksa tjetri ishte në fije të perit në reanimacion me frymëmarrje të drejtuar, pas një operacioni në zemër që pasoi nga një ndalim i funksionit të mushkërive.'' shkruan kreu i qeverisë në postimin e tij./Versus.al
