Adriatik Rroshi, 48 vjeçari i cili u dhunua brutalisht disa ditë më parë brenda një berberhaneje në zonën e Laprakës është pyetur nga efekttivët e komisariatit numër 3.
Rroshi është shprehur para uniformave blu se nuk ka njohur asnjë nga dhunuesit e tij pasi ato kanë qenë të maskuar. 48 vjeçari ka shtuar para uniformave blu se nuk ka konflikte me ndonjë por kur është pyetur për ngjarjen e ndodhur verën e vitit të kaluar në Palasë, ai është shprehur se nuk është në gjendje të jap shpjegime.
Policia po vijon kontrollet për 4 personat në kërkim midis tyre Tur Koçeku, i cili dyshohet si porositësi i sulmit ndaj Adriatik Rroshit.
Policia dyshon se Koçeku është aktualisht në Dubai dhe ka kontaktuar me autoritet atje.
48 vjeçari Adriatik Rroshi vijon të jetë në spitalin e Traumës në gjendje stabël, por për shkak të dëmtimeve në të gjitha pjesët e trupit mjekët nuk sigurojnë që ai e ka kaluar rrezikun për jetën./Versus.al
