Banorët e fshatit Rrjoll kanë dalë në protestë përpara Prokurorisë së Posaçme (SPAK), duke kundërshtuar ndërtimin e resortit turistik nga kompania Gener 2 në zonën e Velipojës.
Ata deklarojnë se disponojnë dokumentacion të vlefshëm që dëshmon se tokat janë në pronësi të tyre brez pas brezi që nga vitet 1930, ndërsa shprehen se kallëzimet e tyre nuk janë hetuar si duhet nga Gjykata dhe Prokuroria e Shkodrës.
Përmes protestës, banorët kërkojnë që SPAK të verifikojë punën e prokurorëve dhe gjyqtarëve të Shkodrës dhe të konfirmohet se pronat u takojnë atyre, e jo personave që i kanë dhënë tokat Bashkim Ulajt për ndërtimin e resortit.
Banorët pritet të japin edhe emrat e zyrtarëve që sipas tyre kanë abuzuar me dosjen.
Në shenjë pakënaqësie, ata kanë goditur edhe me vezë godinën e SPAK.
Më parë, banorët depozituan një kërkesë zyrtare në prokurori, ku kërkojnë një zgjidhje sa më të shpejtë ligjore lidhur me vërtetësinë e dokumenteve të pronësisë së tokës në zonën e Rrjollit./Versus.al
View this post on Instagram
