Mbretëria e Bashkuar, Kanadaja, Australia dhe Portugalia njohën dje shtetin e Palestinës duke sjellë reagime të shumta tek aktorët me peshë në gjeopolitikë. Lidhur me këtë vendim, ka ardhur edhe reagimi nga SHBA-të që e quajnë këtë veprim “një mburrje” sa për sy e faqe.
"Ne vazhdojmë t'i japim përparësi diplomacisë serioze mbi mburrjet. Prioritetet tona janë të qarta: lirimi i pengjeve, siguria e Izraelit dhe paqja e prosperiteti për të gjithë rajonin, të cilat nuk mund të garantohen për sa kohë që ekziston Hamasi", tha një zëdhënës i Departamentit të Shtetit në kushte anonimiteti, sipas Agence France Presse.
Qeveria e Mbretërisë së Bashkuar e paralajmëroi njohjen e shtetit të Palestinës në muajin korrik nëse shteti Izraelit nuk përmbush disa kushte që konsistojnë kryesisht në dhënien fund të luftës në Gaza, pranimin e armëpushimit si dhe të lejojë kalimin e ndihmave humanitare nga OKB për në Rripin e Gazës.
Palestina njihet aktualisht nga rreth 75% e 193 shteteve anëtare të OKB-së. Në Organizatën e Kombeve të Bashkuara (OKB), Palestina ka statusin e një "shteti vëzhgues të përhershëm", duke lejuar pjesëmarrjen, por pa të drejtë vote. Versus.al
