Në “Vilën 30”, këtë të dielë, kryetari i Partisë Socialiste dhe kryeministri i Shqipërisë, Edi Rama, zhvilloi një seri takimesh me drejtuesit politikë të qarqeve për të diskutuar emrat e kandidatëve që do të përfaqësojnë partinë në zgjedhjet e 11 Majit.

Takimet u zhvilluan gjatë gjithë ditës, duke filluar në mëngjes dhe duke vazhduar pasdite, ku Rama u takua me përfaqësues nga të gjitha qarqet e vendit.

Paraditen e sotme, Rama priti drejtuesit e qarqeve të Dibrës, Gjirokastrës, Lezhës, Durrësit, Shkodrës, Vlorës dhe Korçës, duke diskutuar prioritetet dhe emrat e mundshëm për listat zgjedhore.

Pasdite, takimet vazhduan me drejtuesit e qarqeve të Kukësit, Tiranës, Beratit, Elbasanit dhe Fierit. Secili prej tyre solli propozimet e tyre për kandidatët më të përshtatshëm që do të përfaqësonin qarkun e tyre në Parlament.

Pas diskutimeve, emrat e propozuar do të shqyrtohen nga kryesia e Partisë Socialiste në mbledhjen e tyre të 12 marsit, ku do të merren vendimet përfundimtare. Sidoqoftë, fjala e fundit i takon Edi Ramës, i cili do të vendosë se kush do të përfshihet në listat e mbyllura dhe kush në ato të hapura.

Sipas burimeve jozyrtare, Rama planifikon t’i japë prioritet grave dhe vajzave në listat e mbyllura, ndërsa në listat e hapura do të përfshihen kryesisht eksponentë të partisë me më shumë se dy mandate, duke i lënë ata të luftojnë për pozitat në Parlament. Përveç kësaj, katër kryebashkiakë aktualë pritet të jenë pjesë e listave zgjedhore: Ervin Demo, Tërmet Peçi, Agron Malaj dhe Juliana Memaj, kryetarja e Bashkisë së Dimalit.

Ndërkohë, mediat kanë nisur të raportojnë edhe emrat e disa kandidatëve të mundshëm që do të garojnë në zgjedhjet e 2025-2029. Këto emra janë në qarkullim dhe pritet të konfirmohen në javët që vijnë, ndërsa Partia Socialiste përgatitet për një nga zgjedhjet më të rëndësishme të saj.

Emrat që përfliten jo-zyrtarisht se do jenë në listat e kandidatëve të PS:

Tiranë

Edi Rama

Ogerta Manastirliu

Elisa Spiropali

Lindita Nikolla

Ervin Hoxhaj

Adea Pirdeni

Blendi Gonxhe

Olta Xhacka

Albana Koçiu

Igli Hasani

Fatmir Xhafaj

Erion Braçe

Etilda Gjonaj

Toni Gogu

Ermonela Felaj

Helena Kaçe

Xhemal Qefalia

Ornaldo Rakipin

Pandeli Majko

Zerina Bruci

Durrës

Luan Zaza

Klodiana Spahiu

Milva Ekonomi

Etleva Budini

Edmond Stojku

Fier

Belinda Balluku

Petrit Malaj

Ceno Klosi

Arjan Faso

Antoneta Dhima

Kristo Papa

Hanit Bonati

Ami Kozeli

Shkodër

Majlinda Angoni

Xhejms Çela

Anila Gjyrezi

Onid Bejleri

Besmir Lesha

Enertil Canaj

Ndriçim Sterkaj

Frrok Gjini

Korçë

Niko Peleshi

Ilir Topi

Eslemvera Zake

Ilir Pendavinji

Bledi Çomo

Arjan Jaupllari

Besa Spaho

Nertil Jole

Anastasia Zaimi

Lezhë

Ulsi Manja

Admir Kadeli

Ermal Pacaj

Pranvera Skana

Marjeta Nela

Vlorë

Bledar Çuçi

Pirro Vëngu

Anila Denaj

Ardit Bido

Plator Nesturi

Vasil Llajo

Vullnet Sinaj

Elbasan

Arbian Mazniku

Bora Muzhaqi

Evis Kushi

Taulant Balla

Ermira Urupi

Adi Qose

Shkëlqim Bullari

Saimir Hasalla

Desantila Tahiraj

Ela Toçka

Gert Durda

Kukës

Eduard Shalsi

Dibër

Bledi Klosi

Agron Malaj

Berat

Ervin Demo

Klajdi Qama

Juliana Memaj

Gjirokastër

Mirela Kumbaro

Tërmet Peçi

Pirro Dhima

Alda Zholi

Edjon Maliqi

Kryeministri Edi Rama ka ndarë pamje nga retraite dyditor me kabinetin qeverisë ku sipas burimeve për Versus.al është diskutuar në lidhje me emrat e kandidatëve që Partia Socialiste do të propozojë në garën zgjedhore.

Këtë të diel kreu i qeveriSë nisi takimet konsultative kokë më kokë me të gjithë drejtuesit politik të 12 qarqeve.

Vendimi përfundimtar për listat pritet të merret më 12 mars, gjatë mbledhjes së kryesisë së PS-së.

Nga ana tjetër, vetë kryeministri Rama pritet të kryesojë listën e kandidatëve për deputetë në Tiranë. Ai e ka bërë të qartë angazhimin e tij për të udhëhequr fushatën në kryeqytet, sidomos pas arrestimit të kryebashkiakut Erion Veliaj./Versus.al

Takimi kokë më kokë mes Benet Becit, drejtuesit politik të Partisë Socialiste për qarkun Shkodër, dhe kryeministrit Edi Rama ka zgjatur rreth 40 minuta. Pas përfundimit të bisedës me Becin, Rama po zhvillon një tjetër takim në vilën qeveritare nr. 30, kësaj here me Bledi Çuçin, i cili mban postin e kryetarit të grupit parlamentar të PS-së dhe është gjithashtu përgjegjës politik për qarkun e Vlorës.

Burime të brendshme bëjnë të ditur se përzgjedhja e kandidatëve për deputetë ende nuk është mbyllur dhe se është vetë kryeministri ai që do të vendosë përfundimisht, si për përfshirjen e tyre në lista, ashtu edhe për renditjen në lista të hapura ose të mbyllura.

Në qarkun e Vlorës, ndër emrat që përmenden si kandidatë të mundshëm janë:
• Bledi Çuçi, i cili pritet të jetë një nga emrat kryesorë në këtë qark;
• Pirro Vengu, ministri i Mbrojtjes, që këtë herë është angazhuar në fushatën e Vlorës dhe pritet të jetë pjesë e listës së mbyllur;
• Anila Denaj, ministre që mbulon zonën e Sarandës;
• Deputeti Vullnet Sinaj, i cili megjithëse kishte lënë të kuptohej më parë se nuk do të kandidonte sërish, mund të jetë përsëri në listë;
• Plator Nesturi, prefekti i ri i qarkut të Vlorës;
• Emri i Ardi Bidos përmendet gjithashtu si një kandidat i mundshëm.

Ndërkaq, në qarkun e Gjirokastrës, emrat që qarkullojnë si kandidatë janë:
• Mirela Kumbaro, drejtuesja politike e këtij qarku;
• Tërmet Peçi, kryebashkiaku i Tepelenës. /Versus.al/

Kryeministri Edi Rama, ka reaguar në rrjetet sociale, pas intervistës të kreut të PD-së Sali Berisha për median greke, ku ky i fundit thoshte se Shqipëria nuk plotëson kushtet për të qenë në BE.

Rama në postim ka vendosur një buf, ashtu siç e ka quajtur së fundmi kryetarin demokrat.

Kujtojmë se në intervistën dhënë për një media greke, Berisha shprehej se Shqipëria nuk e meriton të jetë pjesë e BE-së, pasi nuk plotëson kriteret.

“Rama i korruptuar i shkatërroi marrëdhëniet me Greqinë me paraburgimin e Fredi Belerit, me dëshmitarë të rremë, pasi kishte përvetësuar një kanion (të Gjipesë) prej shumë hektarësh dhe iu bind oligarkëve”, tha për “Liberal”, Berisha.

Kryeministri Edi Rama do të vijojë sot takimet me drejtuesit politikë të qarqeve, në kuadër të përgatitjeve për zgjedhjet e 11 majit. Në këto takime pritet të diskutohet për emrat e kandidatëve që Partia Socialiste do të propozojë në garën zgjedhore.

Sipas burimeve për Versus.al, Rama ka planifikuar të zhvillojë biseda individuale me secilin prej drejtuesve politikë, takime që do të mbahen në një nga vilat qeveritare në Tiranë. Vendimi përfundimtar për listat pritet të merret më 12 mars, gjatë mbledhjes së kryesisë së PS-së.

Ndërkohë, dje më 8 mars, është mbajtur dita e dytë e një takimi informal mes Ramës, ministrave dhe drejtuesve politikë. Në këtë mbledhje fokusi kryesor ka qenë hartimi i programit qeverisës për periudhën e mbetur të mandatit të tretë.

Nga ana tjetër, vetë kryeministri Rama pritet të kryesojë listën e kandidatëve për deputetë në Tiranë. Ai e ka bërë të qartë angazhimin e tij për të udhëhequr fushatën në kryeqytet, sidomos pas arrestimit të kryebashkiakut Erion Veliaj.

Gjithashtu, raportohet se katër kryebashkiakë kanë shprehur interes për t’u përfshirë në listat për deputetë. Bëhet fjalë për kryetarin e Bashkisë Berat, Ervin Demo, kryebashkiaken e Dimalit, Juliana Mema, kreun e Bashkisë Tepelenë, Tërmet Peçi, dhe kryetarin e Bashkisë Mat, Agron Malaj.

Në listën e mbyllur të kandidatëve, Rama synon të japë përparësi grave dhe vajzave. Ndërsa në listën e hapur do të përfshihen kryesisht figura të Partisë Socialiste që kanë më shumë se dy mandate, duke i lënë ata të garojnë për një vend në Kuvend. /Versus.al/