Ditën e sotme në varrezat e Kalabrisë në Itali, i është dhënë lamtumira e fundit At Antonio Belushit, priftit arbëresh i cili gjatë gjithë jetës së tij ishte i angazhuar për kauzën shqiptare.
Ndryshe, Belushi njihej edhe si “Ati shpirtëror i arbëreshëve të Italisë” dhe kishte pritur pothuajse të gjithë shqiptarët që vizitonin arbëreshët në Itali. Në arkivolin e Belushit u vendosën sipër flamuri i Shqipërisë dhe ai i Kosovës.
Ai kishte shërbyer si prift famullitar arbëresh dhe ka themeluar revistat si “Vatra Jonë, “Lidhja”, shoqatën kulturore dhe shtëpinë botuese “G. Kastrioti”, Bibliotekën Ndërkombëtare “Bellusci”.
Antonio Belushi ka botuar studime në periodikët “Shejzat”, “Zgjimi”, “Katundi Ynë”, “Studime Filologjike”, “Përparimi”.
Që nga viti 1962, ai ka bërë udhëtime, studime dhe kërkime etnografike në vende të ndryshme, ka marrë pjesë në veprimtari shkencore në kuvende, kongrese në Itali, Shqipëri, Kosovë, Itali, SHBA, Australi. Versus.al
