Britani e Madhe- Një hajdut shqiptar me gati 50 dënime ka fituar të drejtën për të qëndruar në Mbretërinë e Bashkuar, pasi krimet e tij thuhet se nuk ishin aq ekstreme sa të “revoltonin” publikun.
Zenel Beshi është quajtur një “kërcënim i vërtetë, i pranishëm dhe mjaftueshëm serioz” për Mbretërinë e Bashkuar nga Ministria e Brendshme, e cila tha se ai duhet të deportohet. Por gjyqtarja e gjykatës së lartë të imigracionit, Leonie Hirst, zbuloi se krimet e tij nuk ishin të llojit “shumë ekstrem” që do të shkaktonin “neveri të thellë publike” dhe e la të qëndronte.
Sekretari i Brendshëm në hije, Chris Philp, tha se vendimi ishte 'jashtë realitetit' pasi Beshi është 'qartësisht një rrezik për publikun britanik'.
'Është koha që këta gjyqtarë të fillojnë të japin përparësi mbrojtjes së qytetarëve britanikë që zbatojnë ligjin në vend të kriminelëve të huaj'. Philp shtoi se kriminelët e huaj, pavarësisht se ku është kryer krimi i tyre, duhet të kthehen të gjithë në vendin e tyre të origjinës, 'pa 'nëse', pa 'por'.
Kjo vjen ndërsa Sekretarja e Brendshme Yvette Cooper propozon të ndryshojë ligjin për ta bërë më të vështirë lejimin e qytetarëve të huaj të qëndrojnë në Mbretërinë e Bashkuar me një pretendim për të drejtat e njeriut. Skema e saj e sugjeruar do t'i detyronte gjyqtarët të merrnin më shumë në konsideratë sigurinë publike në vendime të tilla.
Debati për emigrantët shqiptarë të dënuar në Britani të Madhe është bërë së fundmi qendër diskutimesh mes kryeministri Edi Rama dhe deputetit britanik Nigel Farage, i cili i ka kërkuar kreut të qeverisë të veprojë për të marrë mbrapsht të dënuarit shqiptarë. Versus.al
