Fabjol Hysi, 43 vjeç me aftësi te kufizuara (shurdh-memec) vijon të jetë i shtruar ne spitalin e Traumës në Tiranë pas goditjes që ai mori në kokë nga dy persona më datë 20 mars.
Deri më tani ai është gjendje stabël, por vijon të jetë nën kontrollin intensiv të mjekëve. Për sa i përket ngjarjes janë arrestuar dy dhunuesit Enea Korreshi (17 vjeç) dhe Irdi Nasufi (20 vjeç).
Në polici ata kanë pranuar fajin duke treguar se si ka ndodhur ngjarja. Ata kanë thënë se mbrëmjen e 20 marsit janë shkëmbyer me 43-vjeçarin, të cilin e njihnin më parë.
Fillimisht ka nisur si tallje me të për shaka, por në momentin që Fabjol Hysa i ka ofenduar, aty e kanë goditur me grushte. Dyshohet se për shkak te dhunës 43-vjecari ka përplasur kokën ne një cep muri, ç'ka i ka sjellë edhe dëmtimin e rëndë në kokë.
Policia e Lushnjes ka sekuestruar kamerat e sigurisë në zonë, për të zbardhur dinamikën e plotë të ngjarjes, ndërsa Gjykata e Fierit caktoi masën e sigurisë “arrest në burg” për 20-vjeçarin Irgi Nasufi dhe “detyrim paraqitjeje” për 17-vjeçarin Enea Korreshi.
Ndërsa e ëma e 44 vjeçarit është shprehur se dy të rinjtë i kanë çarë kafkën me gurë birit të saj sapo doli nga xhamia. Ajo ka shtuar më tej se nuk e di shkakun përse dy të rinjtë e kanë sulmuar Fabjolin./Versus.al
