Ndaj Leon Mollës, qytetari i cili protestoi kundër vendosjes të simboleve turke në digën e hidrocentralit të Qafë Mollës në Mirditë, ka nisur një tjetër proces gjyqësor. Ai është thirrur që të paraqitet në gjyq për shkak të deklaratëve që ka bërë që të hiqet pllakata "Erdogan", te pallatet e ndërtuar pas tërmetit në qytetin e Laçit.
Ai është dënuar me 2 vite burg për çështjen e parë, e ndërsa tashmë ka nisur një tjetër gjykim ndaj tij, në mungesë nga Gjykata e Lezhës. Në dokumetin që disponon Versus.al, thuhet se Molla duhet të paraqitet në gjykatë në datën 29 tetor 2024.
“Gjykata, referiar kthimit të përgjigjes nga ana e Komisariatit të Durrësit nuk është bërë e mundur gjetja e tij, në kushtet e mungesës së prokurorit dhe të pandehurit çmon të shtyjë seancën dhe të njofton prokurorinë për caktimin e një prokurori dhe t’i drejtohet komisariatit Durrës për marrjen e të dhënave të sistemit TIMS. Njëkohësisht të bëhet edhe njoftimi me shpallje publike për të pandehurin Leon Mollaj. Seanca e radhës planifikohet me datë 29.10.2024 ora 11:33”, thuhet ndër të tjera në document.
Gjykata kërkon shikimin e të dhënave të TIMS për shkak se referuar avokatit, Molla ndodhet në Francë në azil politik.
Pas këtij njoftimi, ka pasur edhe një reagim në rrjetet sociale nga vetë Molla, i cili shkruan se nuk frikësohet.
“Asgjë nuk më frikëson kur jam me të drejtën e Zotit dhe Besën e Gjergj Kastriotit”, shkruan ai.
Kujtojmë që një vit më parë gjatë një vizite të Leon Mollës Pranë Selisë së OKB-së ne Gjenevë, është tentuar ekstradimi i tij drejt Shqipërisë, por statusi i tij Azil Politik nuk e lejoi aprovimin për ekstradim pasi ndërhyri menjëherë qeveria Franceze./Versus.al
