Prej më shumë se 24 orësh qyteti i Kukësit dhe zonat përreth vijojnë të jenë të përfshira nga tymi i djegies së mbetjeve në zonën e Myç-Mamëzit.
Ditën e djeshme banorët e nisën mëngjesin të mbuluar nga tymi dhe po ashtu e mbyllën ditën. Sot e njëjta gjë përsëritet në një vend ku për të tretin vit radhazi bashkia djeg mbetje në vend që t’i trajtojë sipas standarteve mjedisore dhe ligjore.
“Edhe atë ajër që kishim të pastër, nuk e kemi më”- u shpreh dje njëri prej banorëve duke shprehur zemërimin nga ndotja që ka pushtuar gjithë qytetin dhe fshatrat përreth.
Në vendngjarje kanë mbërritur 2 makina zjarrfikëse dhe 10 efektivë të cilët nuk kanë mundur të shuajnë flakët, ndërsa tymi vijon të mbulojë zonën. Pavarësisht se kjo është ngjarje e përsëritur, asnjë person nuk është vënë para përgjegjësisë. Versus.al
