Shkodër- Një shtëpi bari është zbuluar në fshatin Naraç të bashkisë Vau i Dejës ku janë gjetur thasë të mbushur me 140 kg kanabis.
Në pranga për operacionin e zhvilluar kanë rënë babë e bir Zef dhe Gent Shtjefni si dhe Dritan dhe David Shtjefni, nipat e 61 vjeçarit.
“Gjatë kontrollit, në banesën e shtetasit Zef Shtjefni., në fshatin Naraç, shërbimet e Policisë gjetën rreth 140 kg lëndë të dyshuar narkotike cannabis sativa në trajtë boçesh. Nga verifikimet e kryera rezultoi se në këtë banesë kishte lidhje të paligjshme të energjisë elektrike.
Gjithashtu, në një ambient në afërsi të banesës, shërbimet e Policisë kanë gjetur pajisje të ndryshme që dyshohet se janë përdorur për kultivimin e bimëve narkotike, të cilat u sekuestruan në cilësinë e provës materiale, bashkë me lëndën narkotike dhe 1 mjet zetor me rimorkio”- njofton policia.
Ndaj të arrestuarve rëndojnë akuzat për veprat penale kultivim dhe shitje droge. Versus.al
