Një protestë e zhvilluar këtë të marte në zonën e Baks-Rrjollit në Velipojë u shoqërua me tensione dhe përplasje mes banorëve dhe forcave të rendit, pas vendimit të Gjykatës së Apelit në Tiranë për pronësinë e tokës.
Sipas vendimit, familja Malaj është njohur si pronare e ligjshme e sipërfaqes së tokës në fjalë.
Pas shpalljes së këtij vendimi, banorët tentuan të hyjnë në tokat që pretendojnë se u përkasin, por u ndaluan nga kordonët policorë që kishin bllokuar hyrjen.
Protestuesit u shprehën: “Jemi në tokë tonë, do t’i bllokojmë fadromat për arsye se ka dalë toka jonë,” duke arritur të ndalojnë përkohësisht punimet e firmës ndërtuese.
Situata mbetet e tensionuar, ndërsa banorët këmbëngulin për të ruajtur tokën që sipas tyre u përket ligjërisht.
View this post on Instagram
