Kosovë- Tre fëmijë kanë humbur jetën si pasojë e shembjes së një godine të pabanuar në fshatin Jabllanicë të Gjakovës.
Policia njofton se ngjarja ka ndodhur në orët e vona të mbrëmjes së djeshme.
“Më datë 1 shkurt 2025, rreth orës 22:50, jemi njoftuar se në fshatin Jabllanicë është rrëzuar pllaka e një shtëpie të pabanuar, duke zënë poshtë tre fëmijë. Në vendngjarje kanë dalë njësitë e nevojshme policore, si dhe ekipet e emergjencës, përfshirë ambulancën dhe zjarrfikësit”- thuhet në njoftimin e policisë.
Ekipi mjekësor konstatoi vdekjen e tre fëmijëve në vendngjarje. Viktimat raportohet se janë të moshës 15 dhe 14 vjeç. Ndërsa ende nuk dihet përse ndodheshin në ato momente në objektin e pabanuar.
Grupi hetimor po merret me zbardhjen e plotë të rastit tragjik. Versus.al
