Ka ndërruar jetën 4 ditë pas atentatit në Dobraç, edhe Bashkim Basha.
Fatkeqësisht ai nuk ka mundur ti mbijetojë plagëve të rënda që mori pasi makina e Hamza Licit e përplasi me fuqi, pasi ndaj këtij të fundit u lëshuan breshëri kallashnikovi.
Në vendin e ngjarjes humbi jetën menjëherë Flutura Basha, gruaja e Bashkimit, i cili fatkeqësisht nuk mundi të shpëtonte edhe pse u mbajt 4 ditë në gjendje të rëndë në spitalin e Shkodrës.
-
Ky është çiftit shkodran që u gjet në mes të atentatit në Dobraç
31 Tetor, 19:06
Në këtë atentat që u kthye në masakër Humbën jetën edhe Hamza Lici dhe Arlind Bushati.
Të shpallun në kërkim për këtë krim të rëndë janë shpallur dy pjesëtarë të bandës së Bajrit në Shkodër, Izmir Sakica dhe Samuel Troshani.
Shkodër/Informacion shtesë.
Në vijim të informacionit të dhënë më 30.10.2024, për ngjarjen e ndodhur në aksin rrugor “Shkodër-Koplik”, në Dobraç, ju informojmë se ka humbur jetën në Spitalin Rajonal Shkodër edhe shtetasi B.B., 67 vjeç, drejtuesi i motomjetit që u përplas nga automjeti i shtetasve H. L dhe A. B, të cilët humbën jetën si pasojë e plagëve nga të shtënat me armë zjarri nga persona ende të paidentifikuar.
Grupi i posaçëm hetimor në drejtimin e Prokurorisë së Shkodrës, po vijon intensivisht hetimet për zbardhjen dhe dokumentimin ligjor të ngjarjes, identifikimin dhe kapjen e autorëve.
