Një ciklon i madh është parashikuar të godasë Irlandën të enjten vonë duke sjellë shi dhe erë që më pas do të drejtohet edhe ndaj Anglisë.
Një grup agjencish parashikimi nga veriperëndimi i Evropës e kanë quajtur stuhinë Éowyn, të pestën që godet rajonin këtë dimër.
Éowyn pritet të sjellë erëra që mund të kalojnë 80 kilometra në orë në zonat më të goditura, si në të gjithë Irlandën jugperëndimore dhe ujërat pranë bregut në veri, si dhe në pjesë të Britanisë qendrore. Janë paralajmëruar edhe rrëshqitje dherash si pasojë e reshjeve të shiut.
Agjencia meteorologjike e Irlandës ka lëshuar një paralajmërim të kodit të nivelit më të lartë për erën e fortë në shumicën e vendit dhe një paralajmërim kodi portokalli për qarqet në juglindje. Zyra Meterologjike në Mbretërinë e Bashkuar ka lëshuar në mënyrë të ngjashme kodin e verdhë për të gjithë vendin të premten dhe një kod portokalli për Irlandën e Veriut dhe Britaninë qendrore. Versus.al
