Udhëheqësi i Koresë së Veriut Kim Jong-Un urdhëroi ekzekutimin 30 zyrtarëve për dështimin e tyre në parandalimin e përmbytjeve masive dhe rrëshqitjeve të dheut në verë që sollën vdekjen e rreth 4,000 njerëzve.
Një zyrtar nën regjimin e Kim tha se midis 20 deri në 30 liderë në Korenë e Veriut ishin akuzuar për korrupsion dhe shpërdorim detyre, me shtetin që i dënoi ata me dënim me vdekje.
“Është përcaktuar se 20 deri në 30 kuadro në zonën e goditur nga përmbytjet u ekzekutuan në të njëjtën kohë në fund të muajit të kaluar,” tha zyrtari për median.
Agjencia Qendrore e Lajmeve të Koresë së Veriut raportoi më parë se Kim urdhëroi autoritetet "të ndëshkojnë rreptësisht" zyrtarët pasi përmbytjet katastrofike goditën provincën Chagang në korrik, duke marrë rreth 4,000 jetë dhe duke zhvendosur më shumë se 15,000 njerëz.
Zyrtarët që u ekzekutuan nuk u identifikuan, por raporti vuri në dukje se Kang Bong-hoon, Sekretari i Komitetit të Partisë Provinciale të Chagang që nga viti 2019, ishte ndër udhëheqësit e shkarkuar nga Kim në një takim urgjent gjatë fatkeqësisë së përmbytjeve. Versus.al
