Presidenti i SHBA-së, Donald Trump dhe kryeministri kanadez, Mark Carney, shkëmbyen komente pozitive për njëri-tjetrin gjatë takimit të parë midis dy udhëheqësve që kur Carney u kurorëzua fitues i zgjedhjeve.
Fillimisht, Trump tha se kishte shumë respekt për Carney, të cilin e përgëzoi për fitoren e tij në zgjedhje, duke e quajtur atë një nga rikthimet më të mëdha në historinë e politikës, ndërsa shtoi me humor: “Ndoshta edhe më të madh se i imi”.Nga ana e tij, Carney vlerësoi presidentin amerikan për fokusin e tij të palëkundur te punonjësit amerikan.
Por, situata u bë e pakëndshme kur Trump përmendi transformimin e mundshëm të Kanadasë në shtetin e 51-të të SHBA-së.
“Disa vende nuk janë kurrë në shitje”, u përgjigj kryeministri kanadez, duke shtuar: “Ato nuk janë në shitje dhe nuk do të jenë kurrë.”
“Kurrë mos thuaj kurrë”, u përgjigj Donald Trump.
