Sekretari i Jashtëm i Mbretërisë së Bashkuar, David Cameron, ka rënë viktimë e një telefonate mashtrimi me dikë që pretendonte të ishte ish-presidenti ukrainas Petro Poroshenko, shkruan BBC.
Një numër mesazhesh me tekst u shkëmbyen gjithashtu midis personit që shtirej dhe Lord Cameron, i cili u pendua për gabimin e tij.
“Ndërsa video telefonata dukej qartë se ishte me zotin Poroshenko, pas bisedës sekretari i jashtëm pati dyshime”- u shpreh një prej zëdhënësve të ministrisë.
Telefonuesi kërkoi gjithashtu detaje kontakti, pas së cilës Lord Cameron pushoi së përgjigjuri. Zëdhënësi tha se telefonata e shkurtër u zhvillua në ditët e fundit, por nuk dha hollësi se kush fshihej pas mashtrimit apo se si ata ishin në gjendje të kontaktonin drejtpërdrejt me Lord Cameron.
Petro Poroshenko ishte president i Ukrainës midis 2014 dhe 2019.
Gjatë mandatit të tij si kryeministër, David Cameron pati marrëdhënie të shumta me liderin ukrainas, duke përfshirë takime në samite ndërkombëtare. Versus.al
