Në një libër të përshkruar si "të papërpunuar dhe tronditës", Virginia Giuffre , një nga viktimat më të famshme të Jeffrey Epstein , po kthehet pas vdekjes së saj për të treguar historinë e saj.
Gruaja që akuzoi Princin Andrew për abuzim seksual kur ishte vetëm 17 vjeç, përfundoi kujtimet e saj pak para se t'i jepte fund jetës së saj, duke lënë pas një libër që premton të rihapë plagët dhe të provokojë.
" Vajza e Askujt: Një Kujtim i Mbijetesës së Abuzimit dhe Luftës për Drejtësi " do të botohet në fillim të tetorit nga Alfred A. Knopf dhe është rreth 400 faqe.
Sipas njoftimit, libri "përfshin detaje zemërthyes, shqetësuese dhe zbuluese" rreth periudhës kur Giuffre ishte nën kontrollin e Epstein dhe Ghislaine Maxwell, si dhe rreth marrëdhënieve të tyre me miq të fuqishëm, përfshirë Princin Andrew.
???? EPSTEIN VICTIM BOOK RELEASE:
— JJBOOM (@JordyHalo80) August 24, 2025
Virginia Giuffre’s posthumous memoir confirmed
Titled Nobody’s Girl, it drops Oct 21.
400 pages. Fact-checked. Legally vetted.
The book promises disturbing new details on Epstein, Maxwell, and Prince Andrew.
Giuffre’s final words: release it… pic.twitter.com/lxesiu2GLu
Disa javë para vdekjes së saj, Giuffre i dërgoi një email autores dhe gazetares Amy Wallace, në të cilin e bëri të qartë se donte që libri të botohej pavarësisht rrethanave të jetës së saj. " Në rast të vdekjes sime, dua të sigurohem që "Vajza e Askujt" të botohet. Unë besoj se ka fuqinë të ndikojë në jetë dhe të hapë biseda shumë të nevojshme rreth këtyre krimeve ", shkroi ajo. Mesazhi u dërgua më 1 prill dhe rreth 20 ditë më vonë, Giuffre kreu vetëvrasje në moshën 41 vjeç.
Virginia Giuffre is to publish a memoir from beyond the grave: Prince Andrew's sex abuse accuser's autobiography called 'Nobody's Girl' is to hit shelves in a matter of weeks https://t.co/WT2UW6vIPG
— Daily Mail (@DailyMail) August 24, 2025
Giuffre kishte ndërmarrë veprime ligjore kundër Dukës së Jorkut në SHBA, duke pretenduar se ai kishte pasur marrëdhënie seksuale me të kur ajo ishte e mitur, pas presionit nga Epstein dhe Maxwell. Andrew i mohoi kategorikisht akuzat, por në vitin 2022 ai arriti një zgjidhje jashtë gjykatës, të vlerësuar në rreth 12 milionë paund . Edhe pse çështja u "mbyll" ligjërisht, skandali dëmtoi përgjithmonë imazhin e tij publik dhe e largoi atë nga detyrat mbretërore.
Giuffre kishte përshkruar tre takime të ndara me Andrew: në shtëpinë e Maxwell në Londër, në rezidencën luksoze të Epstein në Nju Jork dhe në ishullin e tij privat në Karaibe. Fotografia më e famshme e saj me Andrew dhe Maxwell, nga nata në klubin Tramp, kishte bërë xhiron e botës.
Giuffre fillimisht kishte rënë dakord për një marrëveshje shtatëshifrore me Penguin Press, të njëjtën marrëveshje që kishte nënshkruar për librin e Princit Harry.
Megjithatë, pas një lëvizjeje të një drejtuesi të lartë drejt shtëpisë botuese Knopf, projekti kaloi atje.
Botuesi Jordan Pavlin e përshkroi veprën si “një udhëtim të papërpunuar dhe tronditës – rrëfimi i një shpirti të pathyeshëm që lufton për liri”.
Sipas Knopf, dorëshkrimi i Giuffre-s ka kaluar në një proces rigoroz të verifikimit të fakteve dhe shqyrtimit ligjor, për të garantuar saktësinë dhe shmangien e kontestimeve të mundshme.
Lajmi për botimin e librit erdhi pak ditë pas një interviste të Ghislaine Maxwell nga burgu në SHBA, ku ajo pretendoi se takimi i parë mes Andrew dhe Epstein ishte ndërmjetësuar nga Sarah Ferguson – jo ajo vetë.
Familja e Giuffre reagoi me zemërim, duke kritikuar qeverinë amerikane për lejimin e një “krimineli të dënuar të rishkruajë historinë”.
“Kjo është një parodi e drejtësisë që injoron përvojat e kaq shumë të mbijetuarve”, – thuhet në një deklaratë të përbashkët të familjarëve të Giuffre./Versus.al
