Deputeti italian Francesco Bonifazi, ka deklaruar se të hënën partia e tij do të dërgojë në Gjykatën e Audituesve kryeministren Georgia Meloni.

Qëllimi pas këtij veprimi ligjor është bërë pikërisht kampi i emigrantëve në Shqipëri.

Bonifazi shkruan në rrjetet sociale se paratë e përdorura për ndërtimin e kampit, mund të përdoreshin për familjet italiane.

“Të hënën e ardhshme ne do të paraqesim një ankesë formale në Gjykatën e Audituesve duke denoncuar Giorgia Melonin si përgjegjëse për shpërdorimin e parave publike të lidhura me skandalin e qendrës së emigrantëve në Shqipëri.

Ajo që po shohim është një skandal për familjet italiane: paratë duhet të shkonin për karabinierët, shëndetësinë, të rinjtë”, shkruan ai.

Anija e patrullës së Rojës Bregdetare që mbante 12 emigrantët nga qendra italiane e paraburgimit e riatdhesimit ka mbërritur në portin e Barit nga Shqipëria. Të premten, seksioni i emigracionit në gjykatën e Romës nuk e ka vërtetuar ndalimin e tyre brenda qendrës së Gjaderit.

Kthimi në Pulia

Anija patrulluese u nis rreth orës 9.30. Pas zbarkimit, emigrantët, 8 Bangladesh dhe 5 Egjiptianë, u dërguan në qendrën e pritjes për azilkërkuesit në Pulia. Edhe pse kërkesa e tyre për azil tashmë është refuzuar, ata do të kenë 14 ditë kohë për të apeluar. Ministria e Drejtësisë ka shpallur një projektligj për shmangien e dobësive të reja dhe ky do të dërgohet të hënën në Këshillin e Ministrave.

Nordio: “Një çështje e politikës së lartë që nuk është përgjegjësi e magjistratëve” “Reagimi i politikës nuk ishte kundër drejtësisë, me vebdimin e të cilws ne nuk jemi dakord dhe madje e konsiderojmë jonormale”, tha ministri. i Drejtësisë, Carlo Nordio, duke folur me gazetarët gjatë një konference në Palermo.

“Nuk mund të jetë gjyqësori – shtoi ai – që e përkufizon një shtet pak a shumë të sigurt, është një vendim shumë i lartë politik. Ne do të marrim masa legjislative”.

Siç njoftoi Nordio, të hënën qeveria synon të nisë një projektligj në Këshillin e Ministrave, i cili do të jetë funksional për këtë ditë në vijim. Kjo, konfirmojnë burime ekzekutive, është mjeti rregullator që po punohet për “zgjidhjen” për të cilën foli edhe kryeministrja Giorgia Meloni. Projekt-ligji, ndër të tjera, duhet të bëjë rregull parësor dhe jo më dytësor përcaktimin e vendeve të sigurta, siç është dekreti i Ministrit të Jashtëm, në harmoni me ato të Brendshme dhe të Drejtësisë, me të cilat deri tani ligji është përditësuar çdo vit 'lista.

Partia Demokratike sulmon Nordio

"Në një vend demokratik, jeta demokratike dhe civile e të cilit rregullohet nga një Kushtetutë - në të cilën është gdhendur qartë parimi i ndarjes së pushteteve - një ministër drejtësie që nis një sulm kaq të rëndë ndaj gjyqësori dhe për pavarësinë e tij nuk mund të qëndrojë në vendin e vet”. Kështu deklaruan drejtues të Partisë Demokratike në Komisionin e Drejtësisë të Senatit dhe Dhomës dhe Komisionit Antimafia.

"Nordio është një nga simbolet më goditëse të dështimit të kësaj qeverie. Politikat e tij për drejtësinë dhe përgjegjësitë e tij të mëdha për situatën e burgut do të rekomandonin tashmë daljen e tij. Por sulmi i sotëm në mëngjes ndaj drejtësisë shkon përtej kufirit dhe, duke shkelur atë”, përsëritën përfaqësuesit e Partisw Demokratike italiane.

Vendimi i Gjykatës së Romës që ktheu në Itali, 12 emigrantët nga Afrika që ishin vendosur në kampin e Gjadrit, i ka ndezur gjakrat në politikën italiane.

Kryeministrja italiane, Giorgia Meloni sulmoi ashpër vendimin e gjykatës, duke deklaruar se ‘ky proces ishte politik dhe jo ligjor’, ndërsa kërkoi që, qeveria të lihet e lirë të punojë.

Por sot, edhe pse 12 emigrantët e Gjadrit janë nisur për në Itali, qeveria Italiane shprehet se nuk është tërhequr nga plani i saj për të sjellë emigrantët në Shqipëri.

La Repubblica shkruan se, pas përplasjes mes kryeministres Meloni dhe gjyqtarëve, qeveria italiane planifikon transferimin e emigrantëve të tjerë për në Shqipëri.

Transferimi mund të ndodhë ditë e mërkusë ose të enjten, kjo në bazë të kushteve të motit.

Pas vendimit të Gjykatës së Romës mëngjesin e sotëm në në portin e Shëngjinit pas anijes së marinës italiane, kanë mbërritue edhe 12 emigrantët që mbërritën në mesjavë në Gjadër, sipas marrëveshjes Itali- Shqipëri për emigrantët e paligjshëm.

Emigrantët kanë lënë kampin e Gjadrit rreth orës 8 të mëngjesit dhe rreth 40 minuta më vonë kanë mbërritur në portin e Shëngjinit, ku kanë nisur procedurat për tu kthyer në Itali.

Sipas burimeve të mediave italiane, ata do të zbarkojnë në Bari, e më pas në një qendër për azilkërkuesit. Edhe pse kërkesa e tyre për azil tashmë është refuzuar në orët e fundit, migrantët kanë ende mundësinë e apelimit brenda katërmbëdhjetë ditëve për të mund të kërkojnë sërish njohjen e këtij statusi.

Në orët e vona të së premtes ka reaguar edhe Bashkimi Europian që është shprehur se është në kontakt me autoritetet italiane për rastin.

Një anije italiane e rojës bregdetare ka mbërritur në Portin e Shëngjinit mëngjesin e sotëm, për të marrë 12 emigrantët që pak ditë më parë ishin akomoduar në qendrën e Gjadrit.

Pas vendimit të Gjykatës së Romës, të 12 emigrantët nga Egjipti dhe Bangladeshi do të zhvendosen në Itali, ndoshta në Bari, dhe më pas në një qendër pritjeje, ku do të jenë në pritje të procedurave.

Rrëzimi i marrëveshjes me Shqipërinë ishte një zgjedhje e detyrueshme për gjyqtarët pas vendimit të Gjykatës së BE-së për emigrantët. Tani na duhet një zgjidhje politike. Jo sherre.

Nga Fiorenza Sarzanini, Corriere della Sera

Vendimi i gjykatës së Romës për rrëzimin e riatdhesimit të shtetasve të huaj të transferuar në Shqipëri ishte kryesisht i parashikueshëm. Ditët e fundit në të njëjtën mënyrë janë shprehur edhe gjyqtarë të tjerë, të cilët kanë vendosur të mos aprovojnë ndalimin e shtetasve të huaj, të cilët pas zbarkimit ishin transferuar në qendrat e paraburgimit në Itali. Të gjithë urdhrat e lëshuara në dy javët e fundit bazohen në një vendim të Gjykatës Evropiane të Drejtësisë, e cila më 4 tetor ripërcaktoi kriterin e “vendit të sigurt” duke vendosur kufizime të rrepta për mundësinë e riatdhesimit të emigrantëve në vendet e tyre të origjinës. Çështja e shqyrtuar në Luksemburg kishte të bënte me një shtetas moldav i cili mbërriti në Republikën Çeke dhe ndaj tij ishte aktivizuar procedura e dëbimit. Por, siç ndodh gjithmonë me vendimet e Gjykatës së Drejtësisë, parimi duhet të zgjerohet dhe për këtë arsye duhet të zbatohet nga të gjitha shtetet anëtare.

Kjo do të mjaftonte për ta bërë të vështirë kuptimin e sherrit politik që shpërtheu, pak minuta pas depozitimit të urdhëresës për emigrantët e dërguar në Shqipëri. Qendra e djathtë sulmoi menjëherë gjyqtarët, duke e cilësuar një vendim të bazuar në elementë politikë. Opozita nxitoi të pretendonte se kishte të drejtë kur sulmoi marrëveshjen e nënshkruar me Tiranën, duke mos marrë parasysh faktin se çështja është e përgjithshme. Kështu të dyja palët kanë treguar se nuk kanë trajtuar thelbin e vërtetë të problemit dhe pasojat që mund të ketë në Itali, por në përgjithësi në Evropë mbi menaxhimin e flukseve migratore dhe në veçanti mbi pamundësinë e riatdhesimit të të huajve që nuk kanë të drejtë për të qëndruar.

Linja e zgjedhur nga qeveria Meloni me hapjen e qendrave në Shqipëri ka një objektiv ekskluzivisht parandalues, edhe sepse 3000 vende nuk mund të përfaqësojnë zgjidhjen e mbipopullimit të strukturave. Mesazhi është i qartë: “Mos u nisni për në Itali, edhe nëse keni ndërmend të shkoni në shtete të tjera evropiane, sepse ne do t’ju pengojmë që në asnjë mënyrë të mos prekni tokën tonë”.

Megjithatë, zbatimi i kësaj marrëveshjeje aktualisht është dëshmuar të jetë jashtëzakonisht i kushtueshëm nga pikëpamja ekonomike dhe mbi të gjitha praktike, duke përftuar kështu efektin e kundërt me atë që synohej. Është e vërtetë që kryetarja e Komisionit Europian, Ursula von der Leyen foli për “zgjidhje inovative për të përballuar urgjencën” duke u angazhuar për të eksperimentuar me “modelin e Shqipërisë” dhe drejtues të tjerë kanë shprehur mendime pozitive, por konsensusi nuk është unanim dhe në çdo rast është e nevojshme të merren parasysh kufizimet e vendosura nga rregullat dhe konventat e vetë Bashkimit. Rruga përpara për një projekt të përbashkët duket ende e gjatë.

Kjo është arsyeja pse është e rëndësishme të ruhet një linjë e qëndrueshme pa iu nënshtruar reagimeve të çrregullta. Historia e këtij vendi është shënuar në dekadat e fundit nga një përplasje mes politikës dhe gjyqësorit e cila ndonjëherë ka pasur pasoja dramatike. Çdo qeveri, nëse ka kapacitetet dhe numrat në Parlament, ka të drejtën dhe detyrën të çojë përpara programin e saj dhe në çështjet e drejtësisë, ekzekutivi i drejtuar nga Giorgia Meloni po e bën kaq shpejt i ndihmuar edhe nga disa deputetë të cilët – të paktën zyrtarisht – janë në anën e kundërt të gardhit. Ajo mund ta bëjë këtë pa ngritur tonin, por edhe duke konsideruar dërgimin e disa ministrave për të organizuar një seancë në Palermo ku një seancë dëgjimore në gjyqin kundër Matteo Salvinit për çështjen e “Open Arms” kjo u konsiderua si e papërshtatshme.

Këshilli i Ministrave do të mblidhet të hënën dhe në rendin e ditës është marrja e një mase që do t’i lejojë qeverisë të kapërcejë ngërçin e krijuar nga vendimi i Gjykatës Evropiane. Zyrat legjislative të Palazzo Chigi-t dhe Ministrisë së Brendshme janë në punë. Hipoteza është që vendimi i gjyqtarëve të apelohet për të bllokuar efektin e tyre. Rruga gjyqësore, pra, është e vetmja e mundshme për momentin nëse nuk dëshirohet të përkeqësohet një konflikt midis pushteteve shtetërore që tashmë ka arritur nivele shumë të larta. Në momente delikat – dhe ajo që Italia po përjeton është për shkak të tensioneve të brendshme, por mbi të gjitha për shkak të krizës ndërkombëtare – ku bëhet thelbësore të lëvizësh me kujdes dhe përgjegjësi. Duhet vetëdije se fibrilacionet e vazhdueshme, apo edhe më keq, përplasjet institucionale, mund të shkaktojnë vetëm dëme të mëtejshme.

Një gjykatë në Romë urdhëroi të premten kthimin në Itali të grupit të vogël të migrantëve që u dërguan në kampet e pritjes të ngritura nga qeveria italiane në Shqipëri, duke i dhënë kështu një goditje të fortë planeve të kryeministres Giorgia Meloni për të dërguar jashtë vendit azilkërkuesit.

Seksioni i migracionit i Gjykatës së Romës e konsideroi të pavlefshme mbajtjen në kampin e Gjadrit të 10 shtetasve nga Bangladeshi dhe 6 të tjerëve nga Egjipti, dy vende të konsideruara jo të sigurta, nga një vendim i Gjykatës së Drejtësisë evropiane dy javë më parë.

Sipas marrëveshjes Rama-Meloni, në kampin e Gjadrit në Shqipëri, do të mbaheshin vetëm migrantë nga vende të konsideruara të sigurta, sipas një liste prej 22 shtetesh, të hartuar nga ministria e jashtme italiane.

Por vendimi i Gjykatës Europiane, i detyrueshm për zbatim në vendet anëtare, tkurr ndjeshëm numrin e vendeve që mund të konsiderohen të sigurta. Për pasojë, qeveria italiane mund të gjendet përballë faktit që kampi në Shqipëri të mbetet thuajse bosh.

Migrantët e parë mbërritën në Shqipëri, dy ditë më parë, me një anijë ushtarake italiane, pasi ishin kapur në det.

Katër prej tyre u kthyen pas, dy për shkak të problemeve shëndetësore dhe dy të tjerë pasi u deklaruan të ishin të mitur./VOA