Në Pallatin e Kulturës në Tetovë, skenën ku Shpat Kasapi nisi hapat e parë artistikë, Big Mama u kthye sot me zemër të thyer për t’i dhënë lamtumirën mikut të saj të fëmijërisë. Emocionet e saj përfshinë gjithë sallën, pasi ajo mbajti një nga fjalimet më prekëse dhe më të ndjera të ditës.
Me zërin që i dridhej dhe me lot në sy, Big Mama kujtoi momentet e para të rrugëtimit të tyre artistik, pikërisht në të njëjtin vend ku sot u përkul mbi arkivolin e Shpatit:
“Sot jam para jush me një dhimbje që nuk di si ta përshkruaj… në këtë skenë, ku unë dhe Shpati kemi filluar për herë të parë së bashku. Kjo skenë ishte fillimi ynë, fryma jonë e parë si artistë.”
View this post on Instagram
Fjalët e saj prekën sallën, duke e kthyer kujtimin e Shpatit në një përshpirtje që dukej se e lidhte të shkuarën me një boshllëk të madh që u krijua sot.
Në këtë atmosferë zie, ngushëllime shprehu edhe këngëtarja Adelina Tahiri, e cila theksoi se Shpati do të mbahet mend gjithmonë:
“Ngushëllimet më të sinqerta për familjarët. Zoti ju dhëntë forcë. Shpat, do të rrojmë e do të të kujtojmë.”
Ndërsa këngëtari Blero, i prekur thellë nga humbja, u shpreh se largimi i Shpatit ishte një goditje e papritur dhe e rëndë:
“Ikja e Shpatit na ka goditur të gjithëve, sepse iku një njeri që nuk duhej të ikte. Na iku një zemër e pastër, një shpirt i butë.”
