Miss Anglia 24-vjeçare, Milla Maggie, njoftoi vendimin e saj për t'u tërhequr nga konkursi i Miss World , i cili do të mbahet në Indi këtë vit , duke lëshuar akuza të rënda kundër organizatoreve, dhe duke pretenduar, ndër të tjera, se sjellja e tyre e bëri të ndihej si një "majmun në cirk" dhe një "prosit*të".
24-vjeçarja, e cila u bë Miss Anglia e parë që tërhiqet nga konkursi në historinë 74-vjeçare të tij, pasi sipas saj iu kërkua të argëtonte biznesmenë të moshës së mesme si një "falënderim" për paratë që kishin dhuruar për këtë ngjarje.
"Na u kërkua të ulemi me ta gjithë pasditen dhe t'i argëtojmë. Ishte diçka e pabesueshme. Nuk erdha në Indi për të argëtuar disa burra", tha 24-vjeçarja për gazetën "The Sun".
“ Konkursi i bukurisë Miss World supozohet të ketë vlera të caktuara. Më bënë të ndihem si kurvë”, shtoi ajo me zemërim.
Siç e përshkruan ajo, “në një moment u përpoqa të flisja për vlerat që mbështes, por ishte e qartë se këta burra nuk ishin të interesuar. Përkundrazi, pati biseda që më bënë të ndihesha në siklet. Na kishin vënë atje për t'u bërë qejfin atyre dhe për t'i argëtuar si majmunët në cirk. Nuk e duroja dot këtë."
Sipas saj, organizatorët madje shkuan deri aty sa i qortuan se ishin “të mërzitshëm”, duke pretenduar se një drejtuese i duartrokiti para fytyrës së saj “gjoja për të më zgjuar dhe për të tërhequr vëmendjen tonë”.
Ishte një veprim i pa respekt nga ana e saj, sikur po u drejtohej fëmijëve dhe jo grave të rritura".
Anglezja 24-vjeçare pohoi gjithashtu se në të njëjtin aktivitet, më 7 maj, ato u detyruan të vishnin fustane zyrtare gjatë gjithë ditës, madje edhe në mëngjes.
Nëntë ditë më vonë, më 16 maj, Maggie paraqiti dorëheqjen e saj nga konkursi dhe u zëvendësua nga zëvendësuesja e parë e Miss Anglia, 25-vjeçarja Charlotte Grant nga Liverpuli.
View this post on Instagram
Përgjigja e organizatorëve
Në një deklaratë, presidentja e organizatës Miss World, Julia Morley, i hodhi poshtë deklaratat e Maggie-t si "të rreme dhe shpifëse", duke publikuar një video në të cilën ajo duket se flet me termat më të mira të mundshme për organizatën.
Sipas Morley, largimi i 24-vjeçares angleze ndodhi sepse ajo përmendi "një nevojë urgjente shëndetësore në lidhje me shëndetin e nënës së saj".
Deklarata nga presidentja e Miss World:
“Në fillim të këtij muaji, Milla Magee kërkoi të tërhiqej nga konkursi për shkak të një nevoje urgjente familjare në lidhje me shëndetin e nënës së saj. Si nënë dhe gjyshe, Julia Morley CBE, Presidente e Miss World, iu përgjigj me dhembshuri situatës së Millës dhe menjëherë organizoi kthimin e saj në Angli, duke vënë mirëqenien e konkurrentes dhe familjes së saj mbi të gjitha.
Pas largimit të saj, Charlotte Grant, nënkampionia e parë e Miss Anglia, me mirësjellje mori përsipër të përfaqësonte vendin e saj. Charlotte mbërriti në Indi të mërkurën dhe që atëherë është pritur ngrohtësisht nga vëllazëria e Miss World.
Fatkeqësisht, na ka rënë në sy se disa media britanike kanë publikuar deklarata të rreme dhe shpifëse, të cilat dyshohet se janë bërë nga Milla Magee, në lidhje me përvojën e saj në Indi. Këto akuza janë plotësisht të pabaza dhe nuk pasqyrojnë realitetin e qëndrimit të saj me ne.
Në përgjigje, Organizata e Miss World po publikon video të pamontuara të xhiruara gjatë qëndrimit të Milës në Indi, në të cilat ajo shpreh mirënjohjen, gëzimin dhe vlerësimin e saj për përvojën.
Këto video pasqyrojnë fjalët dhe ndjenjat e saj dhe kundërshtojnë drejtpërdrejt raportet e rreme të fundit
Organizata e Miss World mbetet e përkushtuar ndaj së vërtetës, dinjitetit dhe vlerave të "Bukuri me një Qëllim". Ne u bëjmë thirrje mediave të ruajnë integritetin gazetaresk dhe të verifikojnë burimet e tyre përpara se të publikojnë përmbajtje mashtruese.
View this post on Instagram
