Pas ngjarjes së ndodhur në ambientet e Kuvendit, ku kreu i “Partisë Mundësia”, Agron Shehaj, mori një dokument të klasifikuar dhe u largua nga ambientet e institucionit, ka reaguar kryeministri Edi Rama,
Rama teksa e quan sjelljen e tij si të një “ballisti” që hyn në kotec të pulave, ka kërkuar që për rastin të ketë një përgjigje nga organet e drejtësisë.
“Ky tipi që vjedh një dokument të klasifikuar dhe ia fut vrapit, është një ballist që ngre dhe ul hajdut kë i del përpara, por siç e shihni sot tentoi të ikte me vrap njësoj si ballistët pasi hynin në kotec për të grabitur pula, duke na dëshmuar botërisht se vesi del me shpirtin.
Uroj po nuk shpresoj që prokuroria t’i tregojë vendin e përcaktuar nga ligji për grabitësit e dokumentave të klasifikuar kësaj sorre vjedhacake të mbushur me urrejtje, ndërkohë që i shpreh keqardhje vajzës së pafajshme duke falenderuar Zotin që shpëtoi pa dëme serioze nga rendja në panik pas hajdutit”, shkruan Rama.
