Kryeministri Edi Rama ka inspektuar sot punimet në rrugën Bunavi-Kërkovë të cilat kanë hyrë në fazën e dytë të ndërtimit të këtij aksi. Gjatë inspektimit, ai bëri batuta me disa prej qytetarëve që ishin mbledhur për ta pritur.
Teksa kreu i qeverisë u ul me ta për të folur lidhur me projektin e lidhjes së rrugëve të zonës ku banojnë, një prej qytetarëve i tha se kishte ndërruar parti që prej vitit 2013, gjë kjo që nuk kaloi pa batuta nga ana e Ramës.
Pjesë nga biseda:
Qytetari: Kam ndërruar parti për ty
Rama: Ke ndërruar parti për mua?
Qytetari: Po që në 2013-ën.
Rama: Dëgjo, duhet ta dish që parti ka ndërruar edhe Churchilli kur e kërkon atdheu. Në rregull je!
Qytetari tjetër: Unë kam 70 vite me këtë parti
Rama: Po mirë ti në rregull je se të ka rënë partia e duhur. Po ti tjetri je penduar që ke ndërruar parti?
Qytetari: Jo
Rama: Është i vështirë ai momenti i ndërrimit, po pastaj kalon.
Ky është i disati takim që Rama zhvillon në Vlorë ku ndodhet përgjatë dy ditëve të fundit. Versus.al
