Kryetari i Partisë Demokratike, mbajti sot një konferencë për njoftimin e aleatëve zyrtarë të koalicionit për Shqipërinë Madhështore ku bëjnë pjesë PD dhe 25 parti politike të tjera.
Mes aleatëve të mbledhur, Berisha nuk la pa ironizuar edhe deklaratat e kryeministrit Edi Rama i cili e ka përqendruar retorikën e tij politike në fyerjet ndaj kreut të PD dhe koalicionin e ka përmendur duke u përqendruar tek njëri prej krerëve të partive të vogla politike, Kujtim Gjuzi.
“Pala tjetër paraqet zhapikë, zhaba dhe tani së fundmi i ka ngel në gojë... ku je Kujtim? Jepja ato musteqe ose bëj diçka me të se çmendet pas mustaqeve të tua. Se unë dhe ti e njohim atë nga ana psikologjike, e di ti përse e ka atë”- tha Berisha.
Ndërkohë Gjuzi u ngrit në mes të aleatëve të tjerë të pranishëm duke u shprehur me superlativa për Berishën: Është Skënderbeu i shqiptarëve, i vetmi njeri që i kam borxhe.
Berisha tha se vendi kurrë nuk kishte pasur një koalicion të këtyre përmasave, ndërsa u shpreh i bindur për fitore më 11 maj. Versus.al
