Kryeministri Edi Rama ka njoftuar se po përgatitet një rregullore kombëtare që do të përcaktojë qartë kufijtë dhe hapësirat e lirisë për ndërtimet e çmontueshme, duke ruajtur interesat e komuniteteve dhe duke mbështetur aktivitetin sipërmarrës.
“Bëhet fjalë për ndërtime të çmontueshme dhe ka mirëkuptim të madh dhe po i çmontojnë. Ka edhe raste kur kjo nuk ndodh. Ky nuk është sulm ndaj aktivitetit sipërmarrës,” tha Rama, duke theksuar se rregullorja e re do të japë qartë hapësirat për njësitë tregtare pa kaluar kufijtë e komunitetit.
Kryeministri theksoi edhe rolin e teknologjisë në këtë proces: “Shqipëria ka bërë progres të jashtëzakonshëm dhe një nga institutet më prestigjioze në botë të qeverisjes e ka përcaktuar Shqipërinë si një nga yjet në ngjitje në hapësirën evropiane për reformat dhe transformimin.”
Rama shtoi se teknologjia do të ndihmojë që fenomeni i ndërtimeve pa rregull të reduktohet në maksimum, duke kaluar nga faza e ndërtimit të pakontrolluar drejt një modeli më të qëndrueshëm dhe të kontrolluar.
“Teknologjia do të na çlirojë nga ky fenomen duke e reduktuar në maksimum,” përfundoi kryeministri.
"Bëhet fjalë për ndërtime të cmontueshme dhe ka mirëkuptim të madh dhe po i cmontojnë. Ka edhe raste kur kjo nuk ndodh. Ky nuk është sulm ndaj aktivitetit sipërmarrës, po përgatisim një rregullore kombëtare që do të vendosdë qartë kufijtë dhe do të japë qartë hapësirat e lirisë për. Do të ketë të gjithë hapësirën edhe për njësitë tregtare por pa kaëpërcyer kufirin që është i komunitetit. Në fund kam edhe elementin e teknologjisë. Shqipëria ka bërë progress të jashtëzakonshëm dhe para pak ditësh, një nga institutet më prestigjioze në botë të qeverisjes, të matjes së parametrave të qeverisjes, e përcaktoi Shqipërinë si një nga yjet në ngjitje të hapësirës evropiane së bashku me 4 vende të tjera për reformat dhe transformimin. Shqipëria është dicka krejt tjetër, e tregojnë shumë gjëra. Teknologjia do të na ndihmojë në këtë fazë, që sic kemi kaluar te faza ku të gjithë ngrini llaç e ngrinin mure, kalojmë te faza që s'do të ketë më. Teknologjia do të na çlirojë nga ky fenomen duke e reduktuar në maksimum.", tha Rama./Versus.al
