Ndërkohë që foli për lejuesit e ndërtimeve pa leje, kreu i qeverisë Edi Rama nuk ngurroi të përmendte paraardhësin e tij, Sali Berishën duke thënë se ai e kishte nxitur ndërtimin pa leje.
Rama mori si rast ironizues Bathoren duke thënë se Berisha asokohe e cilësonte si “mrekullinë e 8” të botës.
“Ka një sërë masash të reja se këtu sporti i ndërtimit pa leje është zhvilluar si sport kombëtar për shumë e shumë vite. Ne e kemi ulur çdo vit kurbën, por nuk e kemi sheshuar. Në këtë sport kombëtar që është nxitur nga lart, ka qenë dikush këtu para meje që e quante Bathoren mrekullinë e tetë të botës sepse ishte i pari qytet i ndërtuar pa leje, ishte gati gati si aplikim që globi të mos thotë se ka 7 mrekulli se ka 8. Pra ishte nxitur ndërtimi pa leje”- tha Rama. Versus.al
