Brenda gjysmës së parë të vitit të ardhshëm, Shqipëria do të presë samitin e radhës të Komunitetit Politik Europian. Kryeministri Edi Rama i cili ndodhet në Budapest të Hungarisë për të marrë pjesë në punimet e këtij samiti, tha se mes temave kryesore të diskutimit në Tiranë do të jetë ndryshimi i klimës.
“Po marrim stafetën për takimin e ardhshëm të Komunitetit Politik Europian në Shqipëri, gjysmën e parë të vitet që vjen. Ka shumë gjëra për tu diskutuar. Ndryshimi i kilimës është i kudogjendur dhe në krye të përparësive të vendeve euripiane. Jemi krenarë ta mikpresim këtë takim”, tha Rama.
Ndërkohë, teksa foli para mediave ai u pyet edhe për rikthimin e Donald Trump në krye të Shtëpisë së Bardhë, gjë për të cilën tha se është bërë shumë zhurmë jo në mënyrën e duhur. Rama tha se pavarësisht se pritshmëritë e Evropës ishin se NATO do të dobësohej gjatë mandatit të parë të Trump, ndodhi e kundërta.
“Ja kam thënë, mendoj që nuk është domosdoshmërisht diçka për t'u shqetësuar për shkak të tij, por diçka për të reflektuar, për të bërë shumë më tepër për të pasur një Evropë shumë më të fortë. Kur u zgjodh herën e parë, të gjithë po dridheshin, sepse ndoshta NATO-s do t'i vinte fundit, por NATO-ja u bë më e fortë. Ndaj, nuk mendoj se ajo çfarë ka ndodhur në Shtetet e Bashkuara të Amerikës është diçka që duhet ta shohim si shqetësuese. Në të kundërt, mund të jetë një mundësi e madhe për të bërë gjërat ndryshe për ne dhe për botën. Mund të jetë një gjë shumë e mirë për Evropën”- u shpreh kryeministri ndër të tjera. Versus.al
