Deputeti demokrat Flamur Noka u përplas me analistin Lorenc Vangjeli në studion e emisionit “Top Story” lidhur me çështjen e dënimit të Ervin Salianjit i cili prej të hënës nuk është më deputet i PD.
Analisti e cilësoi të sajuar audiopërgjimin e publikuar nga Salianji për çështjen Babale dhe tha se personazhe të tjerë brenda PD ia lanë ish-deputetit mbi supe.
Debati u nxit në momentin kur Noka deklaroi se Geron Xhafa, vëllai i Fatmir Xhafajt, ministrit të Brendshëm të saj kohe, nuk shkoi në prokurori por udhëtoi drejt Italisë për të vuajtur dënimin për drogë, sepse nëse një gjë e tillë ndodhte, atëherë deputeti tha se do të niste hetimi edhe për vetë ministrin.
Pjesë nga debati në Top Story:
Vangjeli: Unë besoj se audio përgjime ishte i sajuar. Miq dhe armiq këmbenin vendin, aleanca të padukshme, ca njerëz endacak e nisën dhe ia lanë atij djalit mbi super. Drejtësia nuk hetoi pafajësinë e tij. Shkeljet proceduriale në proces mund të jenë shkak i mjaftueshëm që gjykata të rishikojë vendimin. Ajo çka ne shikojmë ne ekran dhe çfarë do shikojmë deputet pa popull që i ndjek pas. Nëse kam frikë se me këtë metodë do shikojmë një popull të djathë që nuk i meritojmë këta deputetë.
Noka: Kemi një deputet një personalitet politik që ka shkuar në burg i pafajshëm me akuzën e nenit 55. Askush nuk mundet të thotë, vetëm Edi Rama që e verifikova që ishte audio përgjim i rremë. Pse Geron Xhafaj nuk u thirr kurrë në prokurori por u dërgua në Itali? Sepse po të shkonte në prokurori do ishte arrestuar dhe ministri i Brendshëm do ishte i detyruar ti nënshtrohej hetimit.
Vangjeli: Një minutë se u gajasën dhe pllumbat. Po policia me çfarë karte e arreston
Noka: Po pusho të flas unë. Merre lexoje ligjin antimafia ti zotëri, e cilëson se në rast se një person është i dënuar për trafik drogë, duhet ti nënshtrohet hetimi pasuror ai dhe gjithë familja
Vangjeli: Dhe..
Noka: Pse bën grindavecin, prit ta mbaroj. Fatmir Xhafa e çoi në Itali ti shpëtonte hetimit pasuror familja. Këto janë gjëra që duhet ti diskutojmë. Kush je ti?
Vangjeli: Jam zot i mendimit tim. Mbi çfarë baze do arrestohej?
Noka: Ky burri që ke përballë, është një hartuesi i atij ligji antimafia. Versus.al
