Viktima e parë nga moti i keq në vend! Evakuohen 200 familje në jug, banorët: Shpallni gjendjen e emergjencës

*Mëngjesin e sotëm është gjetur e pajetë 76 vjeçarja Flora Hoxha e cila mëngjesin e djeshëm u rrëmbye nga vërshimi i lumit Devoll si pasojë e reshjeve të dendura të shiut. E moshuara vuante nga demenca ndërsa ishte raportuar e zhdukur që prej ditës së djeshme. *Në Fier qindra hektarë tokë vijojnë të mbeten nën ujë. Në Vlorë ende nuk ka kaluar niveli i rrezikut pasi lumi i Vjosës mbetet në kuotat e 7.8 deri në 8.3 metra duke dalë nga shtrati në disa zona dhe duke shkaktuar përmbytje të banesave dhe evakuim të banorëve e bagëtive. *Si pasojë e prurjeve të shumta të lumit Devoll, është hapur porta e emergjencës në hidrocentralin e Moglicës.