Media italiane Corriere della Sera i është rikthyer dhe njëherë çështjes së emigrantëve që do të sillen në dy kampet e ndërtuara në Shëngjin dhe Gjadër.
Por kësaj radhe në lidhje me policët e përfshirë në shërbimet e sigurisë në dy qendrat e emigrantëve.
Në artikull shkruhet se policët e përfshirë në shërbimet e sigurisë në dy qendra e emigrantëve do të qëndrojnë në hotele me katër dhe pesë yje.
Në praktikë çdo operacion sigurie do të kushtojë 80 euro në ditë me një shpenzim total prej 9 milionë euro.
Nga ajo që del nga dokumentet e Departamentit të Sigurisë Publike të shikuara nga agjencia LaPresse , shton më tej kjo medie bëhet fjalë për dhënien e një kontrate për «një shërbim akomodimi në dhoma hoteli teke me katering dhe shërbime të ngjashme për një kohëzgjatje prej dymbëdhjetë muajsh për një shpenzim maksimal të vlerësuar me 8 897 200 euro ”.
Në këtë marrëveshje, kompania Raffaello Resort e Shëngjinit do të vërë në dispozicion dy struktura, Raffaello Executive dhe Hotel Comfort, të dyja në bregdet me një qendër spa, pishinë dhe restorant.
Me pak fjalë, ushqimi dhe akomodimi i personelit të sigurisë italiane do të sigurohet në këto dy komplekse turistike në bregdet, shton më tej kjo medie.
Ditë më parë Gjykata e Romës me një vendim të saj ktheu 12 emigrantët që vinin nga Bangladeshi dhe Egjipi të cilit po qëndronin në kampin e Gjadrit në Itali. Vendimi i gjykatës lidhej me faktin se 12 emigrantët vinin nga vende të pasigurta./Versus.al
