Shtyhet seanca e parë në themel për ish-ministrin e shëndetësisë Ilir Beqaj dhe personat e tjerë në lidhje me dosjen e sterilizimit. Shkak për shtyrjen u bë një kërkesë e avokatit të Beqajt, pasi ende nuk iu është vënë në dispozicion vendimi për rikualifikimin e veprës penale, nga ajo e vjedhjes, në vjedhje duke shpërdoruar detyrën. Seanca e radhës në datë 13 mars në orën 12 e 30.
Avokati i ish-Ministrit të Shëndetësisë, Ilir Beqaj, Ermal Yzeiraj në seancën e parë gjyqësore i ka kërkuar GJKKO-së aktin e shkruar nga ana e prokurorisë për rikualifikimin e akuzës.
Ermal Yzeiraj: Kërkojmë aktin e shkruar nga ana e prokurorisë për rikualifikimin e akuzës.
Ne nuk e dimë qëndrimin e Prokurorit lidhur me ndryshimin e akuzës nga shpërdorimi i detyrës në vjedhje duke shpërdoruar detyrën. Nga bashkëpunimi i thjeshtë në një formë më të lartë, ajo e grupit të strukturuar kriminal.
Ilir Beqaj: Deri dje pyeta ata të administratës në Durrës, por më thanë s’ka ardhur. Nisët një vendim të dhjetorit por jo rikualifikimin e akuzës.
Beqaj - Prokurorit: Pse s’e nisët?
Prokurori Edvin Kondili: Në dukje kjo është kërkesë për marrje vendimi, por në fakt në thelb është për shtyrje. Ndaj, kërkoj pezullim të afateve të paraburgimit dhe të arrestit shtëpiak./Versus.al
