Ngjarje e rëndë në Tiranë, ku një i ri ka humbur jetën në spital.
Burime zyrtare nga Policia e Tiranës kanë bërë të ditur se, ngjarja ka ndodhur mbrëmjen e djeshme rreth orës 20:00 në rrugën e Kavajës përballë qendrës shëndetësore, ku një 31-vjeçar është gjetur në sheshpushimin e pallatit në gjendje kritike.
Njoftimi i Policisë së Tiranës:
Mbrëmjen e djeshme, rreth orës 20:00, në Rrugën e Kavajës, përballë qendrës shëndetësore, është gjetur i shtrirë në sheshpushimin e një pallati, shtetasi M. Rr., 31 vjeç, banues në rrugën "Myslym Keta".
Menjëherë me marrjen e njoftimit është formuar një grup i posaçëm hetimor i cili ka shkuar në vendngjarje dhe nga kryerja e veprimeve hetimore, dyshohet se 31-vjeçari ka rënë nga kati i pestë i pallatit.
31-vjeçari është transportuar në spital, por si pasojë e dëmtimeve ka ndërruar jetë.
Grupi i posaçëm hetimor vazhdon punën për sqarimin e rrethanave të ngjarjes.
