Ish-dashuri i studentës shqiptare Mark Antony Samson ka pranuar se është ai autori i vrasjes së studentë shqiptare Ilaria Sula.
Sipas mediave italiane, 23 vjeçari student në Sapienza mund ta ketë vrarë Ilarian mbrëmjen ku ajo rezultoi e zhdukur në shtëpinë e tij në një lagje afrikane, ndërsa prindërit e Mark ishin të pranishëm.
Ai e fshehu trupin në një valixhe shumë të vogël dhe e hodhi në një humnerë 40 kilometra larg shtëpisë ku jetonte dhe më pas thikën me të cilën kreu krimin e hodhi në një kazan plehrash.
Mark ka mbajtur telefonin e Ilarias gjatë gjithë kohës që ajo rezultonte e zhdukur duke fshirë rrjetet e saj sociale, por duke iu përgjigjur shkurt disa më mesazheve.
Më pas ai e hodhi telefonin në një pusetë dhe për të humbur gjurmë ai shkoi në shtëpinë e studentëve ku 22 vjeçarja jetonte duke pretenduar se e kërkonte.
Por e gjitha loja e tij mori fund pas një informate nga shokët e dhomës së Ilarias. Ai pranoi krimin duke kërkuar falje. Në përballjen me prokurorin dhe në prani të avokatëve mbrojtëse 23 vjeçari nuk ka pranuar të flaës për shumë pika kyçe.
Për të rindërtuar lëvizjet e tij do të analizohen kamerat lokale, ndërkohë që po vlerësohet ende pozicioni i prindërve të tij.
Si familjarë të kriminelit të rrëfyer, ata nuk mund të akuzohen zyrtarisht por nëse del në pah roli i tyre në fshehjen e trupit, pozita e tyre do të përkeqësohej.
Ndërsa në orët në vijim ata do të merren në pyetje nga hetuesit, të cilët janë në pritje të rezultateve të autopsisë (e cila do të kryhet të enjten) për të zbardhur rrethanat e vdekjes së students shqiptare.
Në trupin e 22-vjeçares janë gjetur disa plagë me thikë, njëra prej të cilave në qafë.
Iliria Sula studionte për Statistika në Universitetin Sapienza. Përveç familjes së saj, të cilët kishin alarmuar të martën në rrjetet sociale, për ta gjetur ishin mobilizuar edhe miq e kolegë, duke publikuar fotografi të shumta të saj në rrjete sociale.
«Ishin një çift i lidhur ngushtë. Marku, ishte si një kukull e vogël, i mirë, i qetë, i qeshur, i sjellshëm. E pashë të hënën e kaluar jashtë zyrës sime. Ai ishte i qetë si kurrë më parë. E kam njohur edhe vajzën: e kam vizituar shumë herë , e fundit para disa muajsh. Ajo që ndodhi është absurde." është shprehur doktor Giovanni Spano, dentist i një klinike dentare që ndodhet pikërisht pranë banesës ku u vra Ilaria.
Ndërsa disa nga banorët e lagjes ku jetonte 23 vjeçari, shkruan Corriere della Sera janë shprehur:
"Ai jetonte këtu me prindërit e tij , por vajza ka frekuentuar këtë shtëpi prej vitesh, tani ka kohë që nuk e kam parë. Jam i shokuar." "Për vite të tëra, të gjithë qytetarët filipinas kanë jetuar në atë ndërtesë , ata janë shumë të qetë dhe të integruar në mënyrë të përkryer me lagjen: ajo që ndodhi është e tmerrshme". /Versus.al
