Ngjarje e krim i rëndë brenda një familje në fshatin Stropckë të Pogradecit.
Burime nga policia thanë se, babai ka plagosur rëndë me çifte të birin.
Mes babait e djalit ka patur debate të forta për motive ende të pasqaruara.
Gjatë debatit mësohet se djali 47-vjeçar, Përparim Shkullaku, ka ushtruar dhunë ndaj babait 83-vjeçar, Agim Shkullaku.
E pas kësaj situate, 80-vjeçari ka marrë çiften dhe e ka qëlluar djalin e tij, duke e lënë të plagosur rëndë.
Të dy kanë përfunduar në spital nën kontrollin e mjekëve.
Burime nga spitali bëjnë me dije se 50-vjeçari i plagosuri pritet të niset drejt Tiranës për shkak të gjendjes së rënduar shëndetësore.
Policia në vendngjarje për zbardhjen e plotë të rrethanave.
Pogradec/Informacion paraprak
Rreth orës 18:40, në fshatin Stropckë, Pogradec, ka ndodhur një konflikt familjar i çastit mes babait dhe djalit të tij.
Shtetasi P. Sh., 47 vjeç, në gjendje të dehur ka dhunuar babait e tij shtetasin A. Sh., 83 vjeç.
Më pas 83 vjeçari ka marrë armën e gjahut dhe ka plagosu djalin e tij shtetasin P. Sh, i cili është transportuar për në spital për ndihmë mjekësore.
Shërbimet e Komisariatit të Policisë Pogradec, kanë bërë shoqërimin e 83 vjeçarit në Komisariatin e Policisë për veprime të mëtejshme.
Gjithashtu shërbimet e Policisë kanë bllokuar e sekuestruar në cilësinë e provës materiale armën e gjahut me të cilën dyshohet se 83 vjeçari ka plagosur djalin e tij.
Grupi hetimor në drejtimin e Prokurorisë po punon për zbardhjen e plotë të rrethanave dhe dokumentimin ligjor të kësaj ngjarjeje.
