Tre persona janë plagosur me sende të forta si pasojë e një sherri në ndodhur në rrugën “Thoma Koxhaj” në Tiranë.
Policia sqaron se të plagosurit janë, Fredi Cecaj, Gentian Zogu dhe Serian Zogu të cilët ndodhen në spital dhe ndodhen nën kujdesin e mjekëve, ndërsa dy të tjerë, Shemsi Hoxha dhe Klemend Hoxha, janë shoqëruar në komisariat.
Mësohet se ky konflikt ka ardhur për motive pronësie.
Tiranë/Informacion paraprak
Më datë 04.12.2024, rreth orës 16:50, në rrugën "Thoma Koxhaj", janë konfliktuar dyshohet me sende të forta, shtetasit Sh. H., dhe K. H., me shtetasit F. C., G. Z., dhe S. Z.
Si pasojë janë dëmtuar shtetasit F. C., G. Z. dhe S. Z. të cilët ndodhen në spital, nën kujdesin e mjekëve, ndërsa shtetasit Sh. H. dhe K. H., janë shoqëruar në komisariat për veprime të mëtejshme.
Grupi hetimor po punon për sqarimin e rrethanave të konfliktit.
